Appel, Carl. Provenzalische Inedita aus pariser Handschriften. Leipzig: Fues’s Verlag, 1890.

Code: 069,001 Auteur: Bernart de Tot lo mon Genre: Sirventes Numero: XX

Be m'agrada·l temps de pascor

I	1	Be m'agrada·l temps de pascor,
		quant es gent armatz e garnitz,
		et aug chans e voutas e critz,
		que . . . . . . . . . . . albor,
	5	que mout s'alegra per s'amia;
		et yeu agrade·m de la mia,
		et agrada·m lo belhs dous temps de may,
		et agrada·m l'iverns, quan la neus chay.
II		E mas ai iauzimen d'amor
	10	e per amors suy ben aibitz,
		de totz bos ayps serai complitz,
		quan plaira a nostre senhor.
		s'ieu totz bos ayps ses si avia,
		lo mielher hom del mon seria,
	15	mas per ma fe no·l trobe say ni lay,
		ni ia nulh temps non crey que·l trobaray.
III		Ben auzi dir d'un trobador,
		qu'era em ben trobar arditz,
		ver, dizen mal dels deschauzitz
	20	quan no valion a valor;
		mas s'ieu un . . . . . . . . .
		. . . . . . . . . . . . . . . . . .
	32	laguotiers es, ia res no·l donaray.
IV		Lo reys dels reys per sa doussor
		punisca los reys deschauzitz
	35	e·ls croys baros soiornaditz,
		selhs que non an de luy temor,
		e selhs cuy desplai ioglaria,
		e selhs cuy desplay cortezia,
		e totz aquels a cuy ben-far desplay,
	40	de cor l'en prec, e creza me·n, si·l play.
V		Del vescomte mo senhor mi desplay
		de Brunequelh tot so qu'a luy non play.
VI		De donzellas ay ben dig e diray
		tan quan viuray, que ia no me·n partray.