Javascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.com

* Introduction
* Vocabulaire

* Présentation
* Bibliographie
* Témoignage
* Appareil critique
* Notes
* Traductions
* Images

Appel, Carl. Provenzalische Inedita aus pariser Handschriften. Leipzig: Fues’s Verlag, 1890.

Code: 282,025 Auteur: Lanfranc Cigala Genre: Canso Numero: LXXXIII

Un avinen ris vi l'autrier

I 1
Un avinen ris vi l'autrier
   
issir d'una boca rizen;
   
e car anc ris tant plazentier
   
non vi, n'ai al cor ioi plazen.
  5
pero fols sui de l'alegrier
   
qui·m ten tant alegr'e iauzent,
   
que, quant sui en consirer,
    e consiran trai tal torment
   
don cug languir de desirer,
  10
qu'autre ioi non desir ni quier
    et aquel cug qu'aurai trop len.
     
II  
Miels pogr'om garir d'un archier
   
que sagites tan duramen
   
que trasspasses l'ausberc doblier,
  15 que del sieu dobl' esgard pongnien,
   
c'ab l'un dels oils primeiramen fier
   
et ab l'autre vai feren;
   
pois fai un gai rizet derrier,
   
ab que me fier derreiramen;
  20
et intra se·n per l'oil primer,
    mas pero car l'oils no·l sofier,
    vai al cor afortidamen.
     
III  
Quan fon e mon fin cor intratz
   
dedins lo bels ris e·l esgart,
  25
mos cors se·n venc tost e viatz
   
vas me claman merce: „qu'eu art;
   
ades siatz enamoratz
   
de l'amoros cors, cui dieus gart,
   
qu'a me, qi sui vostre cor, plaz!‘‘
  30
tan vei plazen son cors gaillart,
   
en cui es conplida beutatz,
   
c'abellis a totz los prezatz
    edels crois si loingn' e·s depart.
     
IV  
S'ieu trobes qui li fos privatz,
  35
qui privadamen da ma part
   
portes salutz et amistatz
   
a leis, don ma salutz no·s part,
   
tan li en trametrai, sapiatz,
   
que s'ela·m tramezes lo quart,
  40 eu m'i baingner' ab gran solatz.
   
e·m baing de salutz ses regart;
   
e pos tant me sui azautatz,
   
s'azautz iois me·n es destinatz,
    per merce la prec no·l m'atart.
     
V 45
A mos iorns non cugiei veçer
   
que ris, que par naisser ab iai,
   
agues tan afortit poder
   
qu'el poges engenrar esmai;
   
anz en degra naisser plazer
  50
plazen del bel ris qu'eu vi lai;
   
pero mon cor me·n fai doler
   
doloiros pensamenz qu'eu n'ai.
   
mas no son tant li desplazer
   
desplazen que·m cailla temer
  55 qu'eu en mòria, enanz en viurai.
     
VI  
Pero si·m cug eu tant valer,
   
si valors nul hom' enanz trai,
   
qu'eu n'aurai complit mon voler,
   
si sa volontaz no·l m'estrai.
  60
e si·m volgues dregz mantener,
   
pois sa mantenensa mi plai,
   
de midonz mi degr' eschazer
   
tot so qu'a fin aman eschai.
   
pero eu no·il quier son aver
  65
mas la ren que·il sabrai querer;
    si m'o dona, ben o penrai.

 

 

Institut d'Estudis Catalans. Carrer del Carme 47. 08001 Barcelona.
Telèfon +34 932 701 620. Fax +34 932 701 180. informacio@iec.cat - Informació legal

UAI