Javascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.com

* Introduction
* Vocabulaire

* Présentation
* Bibliographie
* Témoignage
* Appareil critique
* Images

Appel, Carl. Provenzalische Inedita aus pariser Handschriften. Leipzig: Fues’s Verlag, 1890.

Code: 082,003 Auteur: Bertran Carbonel Genre: Canso Numero: XXVIII

Aissi com sel qu'entrels pus assaians

I
1
Aissi com sel qu’entrels pus assaians
   
es pus iauzens, can per sa leuiaria
   
vai denan totz, aisi e pus mil tans
   
soj ieu pus gais que amaire que sia,
 
5
car a mos huelhs ami la pus plazen
   
dona del mon e la pus avinen,
   
la pus bel’e la pus cuend’e pus pros,
   
per qu’entrels gais soj pus gays e ioios.
     
II
 
E si non es tan valens le mieus chans
 
10
com al fin pretz de midons tanheria,
   
aitan plazens et aitan benestans
   
li deu esser co si trop mai valia,
   
car tot mon cor, mon engenh et mon sen
   
ai mes enfair’, e dreitz fay iutiamen
 
15
que bos volers — e ia le faitz no y fos —
   
se deu per fag comtar totas sazos.
     
III
 
Dona valens, humils et agradans,
   
a vos mi do ab voler tota via
   
de dir, de far totz los vostres comans,
 
20
car senes vos iorn vida non auria,
   
car vos mi datz ioy et alegramen
   
e mi donatz genh e saber e sen
   
e mai ganre, per qu’ieu mi don a vos
   
e·us dera·l mon, s’ieu en fos poderos.
     
IV
25
E per proar s’ieu vos soy fis amans,
   
dona, yeu prec la vostra cortezia
   
que mi provi, c’adzautimens es grans,
   
qui sab proar son amic o s’amia;
   
que·l fals segles vai a galiamen,
 
30
que sel c’om cre que am pus finamen,
   
non am’als obs, ans vira los talos,
   
e maiormen al home sofrachos.
     
V
 
Perqu’ieu vos prec que siatz autreians
   
de mi penre, qu’ie·us mi don ses bauzia,
 
35
qu’ieu soj avutz,don’, e soj dezirans
   
de vos servir, per qu’ie·us prec, s’ie·us plazia,
   
que non gardes vostr’onrat pretz valen,
   
c’amors non a aquel esgardamen,
   
mas c’om sele e sia gays e pros,
 
40
so son las claus del sieu pres cabalos.
     
VI
 
S’ieu no soi ricx, dona, d’aur ni d’argen,
   
yeu sai selar, e sai foldat e sen,
   
per qu’ieu valrai mais mil aitans a vos
   
aitals co soi c’us ricx contrarios.
     
VII
45
Reis castelas, yeu aug dir a la gen
   
gran ben de vos, per qu’ieu vos fas prezen
   
de ma chanso, e s’alcus fols no fos
   
que me·n tengra per ioglar, vira vos.

 

 

Institut d'Estudis Catalans. Carrer del Carme 47. 08001 Barcelona.
Telèfon +34 932 701 620. Fax +34 932 701 180. informacio@iec.cat - Informació legal

UAI