Javascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.com

* Introduction
* Vocabulaire

* Présentation
* Bibliographie
* Témoignage
* Appareil critique
* Notes
* Images

Appel, Carl. Provenzalische Inedita aus pariser Handschriften. Leipzig: Fues’s Verlag, 1890.

Code: 082,009 Auteur: Bertran Carbonel Genre: Tenson fictive Numero: XXXIV

Cor, diguas me, per cal razo

I
1
     Cor, diguas me, per cal razo
   
     me fas aisi amar fortmen
   
     sela que mos precx non enten
   
     ni mi respon ni oc ni no?
  5
aiso, sapchatz, mi par folia,
   
car, qui sec so que non poiria
   
     cosegre, es foldatz, per que
         cosselh que no·n partam desse. —
     
II
 
     Bertran, yeu vey tota sazo
 
10
     pros donas belas per · I · C ·
   
     mais amar que dezavinen,
   
     per qu'ieu l'am e de tu vuelh o,
   
c'aysso tanh, qui fay companhia,
   
que·l pros e·l dans essems lur sia;
 
15
     doncx suefre e clama merce,
         qu'ilh fay so c'a dona perte. —
     
III
 
     So dis us verssetz de Cato,
   
     que senher es fols sertamen,
   
     can no vol creyre son sirven
 
20
     de cosselh profechos e bo;
   
cosselhat vos aj ses bauzia,
   
e pus no·m crezes, no·us creyria;
   
     car qui falh vezen mal e be,
         falh trop may que sel que no·l ve. —
     
IV
25
     S'ieu soi fols, tu no y as pro,
   
     car abduy partem engalmen,
   
     Bertran; ben pauc as d'essien,
   
     que tu yest co·l pres en prezo
   
que negun tems no·n eysseria,
 
30
si merces non l'en acorria;
   
     precx o dos, aital te cove,
         e tu amas a mala fe. —
     
V
 
     Therensis dis, que savis fo,
   
     que cascuna test' a son sen,
 
35
     cors, e no mi vas entenden,
   
     que ia mi parlas, no say co;
   
e pres que sé'scapar podia
   
leumen, diguas s'o faria?
   
     sertas hoc, o non ama se;
 
40
     e doncx non amas tu ni me. —
     
VI
 
     Hoc, si li liam poirit so,
   
     c'aisi sai qu'escapa leumen;
   
     mas non o fara veramen,
   
     s'es liatz aisi com yeu so;
 
45
que desliar no me sabria
   
ni nulha res, s'ilh no·m deslia;
   
     et ela pot o far desse;
         doncx, Bertrans, acorda y te! —
     
VII
 
Cors, en Peire Guillems detria
 
50
ben un conten, per qu'ieu volria
   
     que y anem, qu'el dira desse
         que ma partz val mais lo mile.
     
VIII
 
Bertran, per dig d'ome que sia
   
en Peire Guillems non diria
 
55
     mas aco que·l tanh e·l cove,
         per que sapchas que platz a me.

 

 

Institut d'Estudis Catalans. Carrer del Carme 47. 08001 Barcelona.
Telèfon +34 932 701 620. Fax +34 932 701 180. informacio@iec.cat - Informació legal

UAI