Javascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.com

* Introduction
* Vocabulaire

* Présentation
* Bibliographie
* Témoignage
* Appareil critique
* Notes
* Images

Appel, Carl. Provenzalische Inedita aus pariser Handschriften. Leipzig: Fues’s Verlag, 1890.

Code: 202,010 Auteur: Guilhem Ademar Genre: Canso Numero: LII

Pos vei que reverdeia·l glais

I
1
Pos vei que reverdeia·l glais
   
lonc la fontaina, qu'esclarzis,
   
e colora de sol lo rais
   
lo mon, per que s'enbelezis,
 
5
     don par flors e fruitz e fueilla,
   
e l'auzel chanton volontier
   
et ieu d'amor, quar m'a mestier
         que meils que no sol, me vueilla.
     
II
 
Car ben fora sazos hueimais
 
10
que ma volontat obezis
   
cela per que·m floris lo cais,
   
tant irai lai sers e matis;
   
     et on plus vas mi s'ergueilla,
   
ades mi dobla·l dezirier,
 
15
et on mais n'ai de destorbier,
         mos volers plus nais e brueilla.
     
III
 
Ai! tan dousamen mi trais
   
sa boca rizen, quan me dis
   
qu'ieu li fos fins e verais:
 
20
„autr'amor dieus no·m consentis“;
   
     mas ara·m cug que·s destueilla,
   
coras que tengues dreit semdier;
   
be soi donx fols, s'autra no·n quier,
         que mos volers mal m'acueilla.
     
IV
25
Lo iorn volgra fos part Roais
   
en caitivier de sarrazis,
   
que leis ni sos pensars m'atrais,
   
quar tan mal desmen sos pairis;
   
     ben ai razo que me·n dueilla
 
30
car anc no creziei castier,
   
qu'el' a·l costum de l'aversier,
         qui·l sieu destrui e desbrueilla.
     
V
 
Dieus me do poder qu'ieu me·n lais,
   
qu'e tan salvatia ora me i pris
 
35
c'anc no nasquet, si 'nquera no nais,
   
hom que tan fort en fol servis;
   
     maint, semnat pauc, cug que . . . .
   
sen ai ab aital parsonier
   
que del mueg penria un sester;
 
40
     tan dopti que tot m'o tueilla.
     
VI
 
Pero si vol que·n sia plais,
   
tu·l me vai dire, bels amis,
   
qu'ieu lai irai ans qu'iesca mais,
   
que no dezir tan paradis
 
45
     qu'esser lai on si despueilla;
   
aiso·l me iura, messatgier,
   
enan aia talan leugier
         . . . . . . . acueilla.

 

 

Institut d'Estudis Catalans. Carrer del Carme 47. 08001 Barcelona.
Telèfon +34 932 701 620. Fax +34 932 701 180. informacio@iec.cat - Informació legal

UAI