Cluzel, Irénée. Princes et troubadours de la maison royale de Barcelone-Aragon. "Boletín de la Real Academia de Buenas Letras de Barcelona", 27 (1957-1958), pp. 321-373.

Code: 322b,001 et 367,002 Auteur: Peire , Peironet Genre: Deux coblas (et réponse) Numero: III, 2

Can vey En Peyronet ploran / Major pasor hagues l'altr'an

		[Seny'En Peyre]
I	1	Can vey En Peyronet ploran
		venir ab N'Arnau tritxador,
		de tots mos amichs hay pasor,
		e demande·ls ab reguart gran:
	5	« Diatz, amichs, e com [e]stan
		mey parens e·l rey, mon senyor? »
II		Si ·us han fayt onta ne dan
		ni havets trobats raubadors,
		diats ho, car vengar vos han
	10	mant hom qui sia de valors,
		e tornatz vostre plor en xan,
		e parlem d'armes e d'amors!
		[Peyronet]
III		Major pasor hagues l'altr'an
		co·m vis fugir ab milsoudor,
	15	cand la bandera de color
		d'Anglasola vos vis denan,
		Seny'En Peyre; patz ab aytan
		pux dir a bon entendedor!
IV		D'Anglasola trasques entan,
	20	Senyer, lo vostr'aposador
		a despit ez a desonor,
		e no li havets fayt deman;
		per qu'yeu hic suy vengutz ploran
		es ab mi N'Arnau tritxador.