Javascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.com

* Introduction
* Vocabulaire

* Présentation
* Bibliographie
* Témoignage
* Appareil critique
* Notes
* Images

Appel, Carl. Provenzalische Inedita aus pariser Handschriften. Leipzig: Fues’s Verlag, 1890.

Code: 339,002 Auteur: Peire Duran Genre: Canso Numero: CI

Com cel qu'es pres e sap, son essien

I
1
   Com cel qu'es pres e sap, son essien,
   
   que nulhs esfors no·l pot de mort gandir,
   
   e pel greu dan que l'es en devenir,
   
s'om li fai mal, no·l cal ni n'es clamaire,
 
5
   soi ieu, amors, vostra mala merce,
   
   que, si·m faitz mal, no·m clam ni me·n sove,
    ans suefri'n patz com sel c'als non pot faire.
     
II
 
   Et es vos lag, car qui·ls sieus vens ni pren
   
   senes forfach, no·s pot d'enian esdir;
 
10
   mas vos, amors, non es mas per ausir
   
mi, per qu'ieu falh, car no·n cug merce traire;
   
   e ia morrai; ara·m diatz: per que?
   
   qu'ie·us ai servit et encar, per ma fe,
    on pieitz mi faitz, vos soj pus fis amaire?
     
III
15
   Mas yeu m'o lais el vostre chauzimen;
   
   e vos amors, sieus plazia, sofrir
   
   volcses c'ap lieis pogues vieur' o morir,
    de qui tostemps vos soj avutz preyaire
   
   que·l sieu bel cors dos e plazen e le
 
20
   tengues baizan, que'l mon non es may re
    c'un iorn ses lieis mi pogues ioi atraire;
     
IV
 
   C'anc pus la vi ni l'agui fag presen
   
   de mi, no·m puec de nulh' autr'abelir.
   
   doss'amia, de qui no·m puesc partir,
 
25
pus d'autre ioj no soi gais ni chantaire
   
   mas del vostre, que·m capdel' e·m mante,
   
   sieus plai mos chanz ni·l denhatz voler be,
    del vostre ioi er lo mieus emperaire.
     
V
 
   Et s'ab aitan mi fais ric e iauzen,
 
30
   vostr' er l'onors, car, s'ieu sai far ni dir
   
   ren d'avinen, a vos fai a grazir
   
. . . . . . . . . ., car qui·ls sieus sap re faire,
   
   si enantis, — veus lo pro que·n ave! —
   
   car de s'onor tanh ades e·l cove
 
35
qu'el cresca·ls sieus e·ls sia larcx donaire.

 

 

Institut d'Estudis Catalans. Carrer del Carme 47. 08001 Barcelona.
Telèfon +34 932 701 620. Fax +34 932 701 180. informacio@iec.cat - Informació legal

UAI