Appel, Carl. Provenzalische Inedita aus pariser Handschriften. Leipzig: Fues’s Verlag, 1890.

Code: 461,055 Auteur: Anonyme Genre: Cobla Numero: CXLII

Bona genz, veias cal via

I	1	Bona genz, veias cal via
		nos va clerzia mostran;
		malvestat e luxuria,
		trafec, barat et enguan,
	5	aquest a decretal an,
		on quascuns for s'estudia.
		si'naissi an la paria
		de dieu, vauc me·n ab els lai.
		be·n tenc per fol San Lauren,
	10	quar el si fes raustir sai.