Appel, Carl. Provenzalische Inedita aus pariser Handschriften. Leipzig: Fues’s Verlag, 1890.

Code: 461,092 Auteur: Anonyme Genre: Cobla Numero: CXLV

Donna, pos vos ay chausida

I	1	Donna, pos vos ay chausida,
		faz me bel semblan,
		qu'ieu suy a tota ma vida
		a vostre coman.
II	5	A vostre coman seray
		a totz los iors de ma via,
		e ia de vos no·n partray
		per degun' autra que sia,
		que Erex non amet Henida
	10	tan ni Yseutz Tristan
		con yeu vos, donna grasida,
		qu'ieu am sens engan.
		Donna!