Meyer, Paul. Les derniers troubadours de la Provence d'après le chansonnier donné à la Bibliothèque Impériale par M. Ch. Giraud. Paris: Librairie A. Franck, 1871.

Code: 427,004 Auteur: Rostaing Berenguier de Marseilla Genre: Deux coblas Numero: X, 2d

Pos de sa mar man cavalier del Temple

		Monsen ROSTANH BERENGUIER, peticio.    (f. 10 v°)
I	1	Pos de sa mar man cavalier del Temple,
		Man cavall gris cavalcant si solombran,
		E lurs cabeils saurs remiran s’enombran,
		Mostran soven al mont malvays eysemple,
	5	Ez es tan grieus e tan fers lur ergueilhs
		C’om non los pot esguardar de dregz hueilhs,
		Diguas mi, Bort, per quel papa los sufre,
		Pos sap e ves qu’ehn mans pratz, sotz verssims,
		Don lur ressort deshonors e grieus crims,
	10	Guastan lo ben que nom per Dieu lur hufre.
II		Car pos ho an per cobrar lo Sepulcre
		E guastan ho menan rumor el segle
		Ez enguanan lo pobol d’aquest segle,
		Contrafasen guolias e sahulcre
	15	Que desplassa a Dieu, car tan lonc tems
		Hill ez aquill de l’Espital emsemps,
		Han sufertat que li falsa gens turgua
		Haya tengut Jherusalem ez Acre.
		Car son fugen plus fort que falcon sacre,
	20	Per quem par tort quil segle non en purgua.