Meyer, Paul. Les derniers troubadours de la Provence d'après le chansonnier donné à la Bibliothèque Impériale par M. Ch. Giraud. Paris: Librairie A. Franck, 1871.

Code: 461,033 Auteur: Anonyme Genre: Cobla Numero: XVI, 6

Auzit ai dir, e vay mi remenbrant

I	1	Auzit ai dir, e vay mi remenbrant,
		C’un fer pert hom per fauta d’un clavel
		Et per .I. fer, can ben m’o vauc pensant,
		Pert lo caval, pueis lo cors el castel ;
	5	Tot aysi’n pren ad hom(s) que avars es
		Car per lo mens pert lo mais mantas ves,
		Car Drechura que Tort baissa confont
		Cant a pujat gieta l’aval preon.