Meyer, Paul. Les derniers troubadours de la Provence d'après le chansonnier donné à la Bibliothèque Impériale par M. Ch. Giraud. Paris: Librairie A. Franck, 1871.

Code: 461,195 Auteur: Anonyme Genre: Dansa Numero: XIX

Pos la dousor del temps gay

xvj.
I	1	Pos la dousor del temps gay (f. 30)
		Non mi play,
		Qu’ieu chant ne[que] m’e[s]baudei,
		Ans suy gay cant la neu vey.
	5	Ieu vey quels grans el menut
		Aiman tut(z)
		S’alegro par la verdor,
		Per qu’ieu chant de la freidor ;
		E pos amo[r]s perdut ay
	10	Chanteray
		Pel tems qu’ieu chantar non dey,
		Car d’aimans non sec lur ley.
II		Lur ley non segray ieu ya
		Car mor m’a
	15	.I. cors de malvais escueilh,
		Perqu’ieu mais amor non vueilh
		Ans mi dueilh ;
		Mas amors non mi tenra(n),
		E nom plai ab li uimay,
	20	Ans vieuray
		Alegr’e am gran cumdey
		D’uvern ans lo(s) plus fort(z) frey.
III		Le fortz frey mi ten jauzen
		Per .I. c.
	25	Miels que li fueilha ni la flor[s],
		Per c’aisi renec amor[s]
		Car secor[s]
		Non m’an dat mas languimen ;
		E mais non las blandiray,
	30	Car ben say
		Que totz homs que lur sopley
		Son cors gieta a barey.
IV		A barey son cors atray
		E dechay
	35	Totz homs que am leys parei,
		Per qu’ieu tostems la reney.