Meyer, Paul. Les derniers troubadours de la Provence d'après le chansonnier donné à la Bibliothèque Impériale par M. Ch. Giraud. Paris: Librairie A. Franck, 1871.

Code: 461,068 Auteur: Anonyme Genre: Deux coblas avec tornada Numero: XXII, 1

Clara dompna, vostre cors lis e clar

.ix.
I	1	Clara dompna, vostre cors lis e clar (f. 27)
		Am lo clar vis claramens s’esclarzis,
		Si que, tot clar, vos est de mon clar vis
		Clara clardat, per qu’ieu vuelh declarar,
	5	Vostra beutat en la qual se declara
		Sens e valors e fin pres, car es clara
		.  .  .  .  .  .  .  .  .  .  .  .  .  .  .  .  .
		Per qu’ieu vos am, donna, car es tan clara.
II		De vostr’amor mon cors es esclarzit[z]
	10	Et es plus clars que non es la clardat
		Del clar soleilh, per qu’ieu n’ay declarat
		Vos en luoc clar, ses nompnar e mos ditz,
		Perque von es[t] claramens esclarzida
		E plus clara que la flor espandida.
	15	Mon clar vis es[t] per nom, domna grazida,
		Tant es clara vostra valor complida.
III		A mon clar vis am la fas neta e cara,
		A qu’ieu ay dat ma pensa tota clara,
		Car la gensor de totas se declara,
	20	Mas coblas man quen done s’amor clara.