Appel, Carl. Zu Guillem Ademar, Grimoart Gausmar und Guillem Gasmar. Verhältnis dieser drei Trobadors zueinander. "Zeitschrift für romanische Philologie", 14 (1890), pp. 160-168.

Zenker, R., "Zu Guilhem Ademar, Eble d'Uisel und Cercalmon" > CdT: Observacions.

Code: 323,011 Auteur: Peire d'Alvernha Genre: Vers Numero: III

Chantarai d'aquels trobadors

I	1	Chantarai d’aqels trobadors
		qe chanton de tropas colors
		e·l pieger cuia o dir gent
		et a trobar es aillors
	5	q’entremetre n’aug cent pastors
		c’us non sap qe·s pueg ni dessent.
II		D’aisso mer mal Peire Rotgier
		per so·n er encolpatz primer
		car chanta d’amor a prezent
	10	e valria·il mais un sautier
		dinz la gleia ab un candelier
		on portes gran candela ardent.
III		L’autre es .G. de Borneil
		qe par l’oira sec a soleil
	15	ab son chantar maigre dolent
		qe chanto veillas porta-seil
		e si·s vezia en espeil
		no·s prezaria un aiguilent.
IV		E·l ters Bernartz del Ventadorn
	20	q’es menre de borneil en dorn
		e son paire a i mout bel sirvent
		per traire ab arc manal d’alborn
		e sa maire calfava·l forn
		e·l gars amassava·l sierment.
V	25	E·l quartz don Ugo lemozis
		us ioglars q’es plus qerentis
		non a tal tro a bnavent
		e cuiaratz fos pelegris
		malautes can chanta·l mesqis
	30	a pauc pietatz no me·n prent.
VI		Guillenz de Ribas es lo qinz
		q’es malvatz de fors e dedinz
		e ditz totz sos vers raucament
		e non e ges bos sos latins
	35	c’autretan se·n fari’us chinz
		e l’oill semblo de vout d’argent.
VII		E·l .VI. es Gramoart Gausmar
		q’es cavallers e va ioglar
		e fai o mal qe o consent
	40	ni·l dona vestir vert ni var
		qe tal er adobat so·m par
		q’enioglarit ne seran cent.
VIII		Ab .P. de Monzo so VII.
		pos lo coms de tolosan dec
	45	chantan un sonet avinen
		e cel fon cortes qe·l raubec
		e mat o fes car no·il trenqet
		aqel pe qe porta pendent.
IX		E l’oites Bertranz de Saissac
	50	qe anc un bon mestier non ac
		mas d’anar menus de qerent
		et cinc pueis no·l prezei un brac
		pos d’en Bertran de Cardaillac
		prez un veill mantel suzolent.
X	55	E·l onzes es en Raimbaut
(als Str. 12)		qe·s fai trop de son trobar baut
		e non es mia avinent
		d’ome qe a gran prez et aut
		e se·n gerava ni a faut
	60	en negun non a iauziment.
XI		fehlen
XII		Et dezes Gosaluo Roitz
(als Str. 11)		qe·s fai trop de son trobar formitz
		en cui cavalairia·s feing
	70	et anc bos colps non fo feritz
		per lui tam be no fo garnitz
		si nom l’ac trobat en fugent.
XIII		Et tretzes us veils lumbartz
(als Str. 14)		c’apela sos vezis coartz
	75	e laisa·l del esserniment
		pero us sonetz fai galliartz
		ab motz maribotz et grimartz
		et apela·l hom consezent.
XIV		Peire d’Alvergne a tal votz
(als Str. 17)	80	qe chanta con granoill en potz
		e fa·z lauzar a maintas genz
		pero maestres es de totz
		ab un pauc q’esclarzis sos motz
		c’apenas om negun n’entent.
XV	85	fehlen
Str. 10		E lai de Marseilla ‘n Folqet
		qe chanta de fol re folet
		per una busta cui s’aten
	90	c’a plus ample con d’un cabes
		e fora·il meils pesqes ab ret
		mar can non la movo lo vent.
Str. 13		E·l dotzes us clergatz Peirols
		ab cara maigra secs musols
	95	e can vol chantar va tossent
		c’aissi n’es esclarzitz lo sols
		c’a totz vos en penria dols
		tan fa lag son captenemem.
Str. 15		E’n G. Faiditz fai chanzos
	100	de si donz no potetz pelos
		e ditz qe si de re·l desment
		ni la pot tener en escos
		qe tantas dara dels dos
		cazes a mal pas plus non prent.
Str. 16	105	El .XV. es P. Vidals
		gabaires messongiers e fals
		e no i qeiratz gota de sen
		per so a pres .c. colps le pals
		qe amic no i ac nuils corals
	110	de lai sa foudatz non dizent.
		Orthographie genau nach a.

 

 

Siehe:

Chantarai d'aquest trobadors

Cantarai d'aquestz trobadors