Jeanroy, Alfred; Salverda de Grave, Jean-Jacques. Poésies de Uc de Saint-Circ. Toulouse: Imprimerie et Librairie Édouard Privat, 1913.

Code: 457,043 Auteur: Uc de Sant Circ Genre: Cobla Numero: XXVI

Valor ni prez ni honor non atrai

I	1	Valor ni prez ni honor non atrai
		A nul home ni dons ni cortesia,
		Qui bel don dona lai o non s’escai,
		Anz es tengut per los pros a follia ;
	5	Qui don dona taing qe·l dos aitals sia
		Con es aqel qe·l don receb e pren ;
		Qi en croi home bel aut ric don despen,
		Non es grazit, anz s’en fai escharnir
		E·ls autres dos q’el dona menz grazir.