Jeanroy, Alfred; Salverda de Grave, Jean-Jacques. Poésies de Uc de Saint-Circ. Toulouse: Imprimerie et Librairie Édouard Privat, 1913.

Code: 457,044 Auteur: Uc de Sant Circ Genre: Échange de coblas Numero: XXXVI

Vescoms, mais d'un mes ai estat

		(UC.)
I	1	Vescoms, mais d’un mes ai estat
		Q’avia atendut vostre don,
		On avia ades sospeichon,
		Per que no prendia comjat ;
	5	Mas ara·m di chascus e·s vana,
		Que no valra un’ avelana
		Dons q’eu n’aia ni vestimenz,
		Ni per vos no·n serai jausenz ;
		E vos digaz m’en la vertat.
		(LE VICOMTE.)
II	10	[N’Ugo, ja no m’en sabretz grat,
		Quant venra a la partison,
		Qe·us faza ren que·us sapcha bon
		Ni·os done qe vailla un dat,
		Roncin, denier ni drap de lana ;
	15	Car sai que semblaria ufana,
		Quar de vos me fon faiz presenz
		Per saber mos captenemenz :
		Que eu o ai ben esproat.