De Bartholomaeis, Vincenzo. Poesie provenzali storiche relative all'Italia. Volume primo con ventiquattro silografie. Roma: Tipografia del Senato, 1931

[CdT en procés d'incorporació]

Còdi: 457,028 Autor: Uc de Sant Circ Genre: Deux coblas avec deux tornadas (et réponse) Numero: XCV

Peire Guillem de Luserna

I	1	Peire Guillem de Luserna,
		Non dizetz com sa luserna
		De prez zai;
		Car de Na Cuniça sai
	5	Quez ill fez ogan tal terna
		Per qill perdet vita eterna;
		Don jamai
		No deu viure ses esmai;
		E dompna, pos lait desterna
	10	Ni fai saut dont hom l’escerna,
		No ll’assai
		Mai null mege de Salerna.
II		Ben sai qe vostres branz tailla,
		Mas, s’a totz cels fai batailla
	15	Q’en diran
		Mal, o qe no l’esdiran
		Qez ill no fezes gran falla,
		Anc el Val de Roncisvalla
		No ac tan
	20	Colp donat; ar pauz ab tan
		E met la en no m’en calla;
		Lai fos ill on a lieis calla;
		Derenan
		No voill mais ab lei baralla.
III	25	Mesura vol c’om no salla
		Tant enan
		Per c’om sa umbra trassalla.