Almqvist, Kurt. Poésies du troubadour Guilhem Adémar. Uppsala: Almqvist &Wiksells Boktryckeri, 1951

[CdT en procés d'incorporació]

Còdi: 202,003 Autor: Guilhem Ademar Genre: Canso Numero: IV

 Chantan dissera, si pogues

I	1	Chantan dissera, si pogues,
		El temps esquiu, mal ez engres
		Tal ren qu'azenan mi valgues,
		Quan l'autre culhiran las mes.
	5	Qu'ieu de mon laborag'aten
		Un frug d'amor dousset e car,
		E pueys trobaretz greu mon par,
		Si per aventur'i avenc.
II		Viatz aurai estat plaides
	10	Quatr'ans de na Bona-Nasques
		Qon hom faiditz de son paes
		Per forfag don [ -  -  -
		- - - - - -
		- - - - - -
	15	- - - - - -
		- - - - - -
III		- - - - - -
		- - - - - -
		- - - - - -
	20	- - - - - -]
		E sapchatz qu’esdeve soven,
		Quan cug dir razon d'autr'afar,
		Qu'el mieg m'oblit si del parlar,
		No sai on m'o lays ni m'o prenc.
IV	25	E qui creira que bona fes
		Merceyan no mi plaideyes
		[- - - - - -]?
		Qu'anc tan no·m cugiei que l'ames.
		E donc, si merces no li·n pren,
	30	Qui·s devra en dompna fizar?
		Qu'anc pueys no vuelc en als ponhar,
		Ni d'autr'amor jauzir no·m fenc.
V		Senher Dieus! Qui son enten mes
		Prims en amor, quar s'i negues
	35	O quals que cauza l'avengues
		Per qu'autra gens se·n chastïes!
		Qu'ieu per amor art e·scompren;
		E non sai que dir ni que far,
		Q'us paucs que dic m'a tout manjar,
	40	Ez a pauc de set non estenc.
VI		Dieus prec e tot quan de ben es
		Que mueyr'onguan mal, descofes,
		Selh horn quez anc lauzengu'y mes
		Entre nos, per qu'ilh m'azires!
	45	Qu'ieu ses lieys non ai guerimen
		Ni puesc mais ma vid'alonguar,
		Si·m breu no·m don'aquel bayzar
		Que mon cor abras'ez estrenc.
VII		S'ab autra dompna far saupes
	50	Tal plag que elh'ab si·m colgues,
		Dones pogr'ieu dir qu'en Albiges,
		Quan sai vinc, lo malcor laysses.
		E que·n hiria als dizen
		Que: no·m dey per mieu razonar?
	55	Quar sieus suy per vendr'e per dar
		Cum bayles; qu'ieu de lieys mi tenc.
VIII		Franc[s] cors gentils, guays e cortes,
		Belhazer d'autra qu'anc nasques,
		Prenda·us d'aquest caitiu merces,
	60	Que dol si del cap tro als pes!
		E no·m menetz tan malamen
		Per lone temps Guilhem Azemar!
		Que p[e]jers es d'adomesjar
		D'esparvier mudat o rramenc.
IX	65	Quez ieu no fis anc falhimen
		Don mi deiatz ochaizonar,
		Si·m volia lai pres estar
		On vos vi, [t]ro en mon velhenc.
X		Peironet, ab Nullet apren
	70	Lo vers a dir azaut e clar,
		Que me fai Albis sospirar,
		Quar midons en mos bratz non tenc.