44.

 

Die Handschriften zerfallen in zwei deutliche Gruppen: ADIKN und CMVa, s. v. 7, 8, 20, 25, 26, 35, 37, 45, 46, 47, 51. S geht in der Regel mit Gruppe A: v. 11, 40, 42, 49, 51, R öfter mit Gruppe V: 3, 4, 11, 20, 39, 42, aber doch auch mit Gruppe A: 7, 8, 37, 45.

Die innere Gliederung beider Klassen geht aus den Varianten nicht klar hervor. In der Gruppe V trennen sich CMa wiederholt von V: v. 39, 54, 55, 64, 66, 69, aber es treten auch andere Kombinationen ein. In den Anmerkungen werden die wichtigsten Abweichungen besprochen, und es geht aus ihnen hervor, wie der Hds. V in der Überlieferung auch dieses Stückes, wie für Stück 42, besondere Wichtigkeit zukommt. Immerhin bleibt manche Lesung unsicher. Um dem Nachprüfenden die eigene Entscheidung zu erleichtern, drucke ich die führenden Handschriften beider Gruppen, A und V, nebeneinander ab, und gebe dann meinen Versuch eines kritischen Textes, für den also V in besonderem Maße herangezogen ist.

 

		Hds. A:	Hds. V:
I.		Tant ai mon cor plen de joia,	Tant ai mon cor plen de joya,
		tot mi desnatura.	tot me desnatura,
		flor blancha, vermeilla e groia	flor blanca, vermeill’ e bloya
		mi par la freidura,	mi sembla fredura,
	5	c’ab lo vent et ab la ploia	c’ap lo vent et ab la ploya
		mi creis l’aventura,	mi ven l’aventura,
		per que mos chans monta e poia	per que mos pretz mont’ e poia
		e mos pretz meillura.	e mon chant meillura.
		tant ai al cor d’amor	tant ai al cor d’amor
	10	de joi e de doussor,	de joy e de douzor,
		que l’iverns mi sembla flor	per que·l gel me sembla flor
		e la neus verdura.	e la neus verdura.
II.		Anar puosc ses vestidura	Anar puosc ses vestidura
		nutz e ma camisa,	nutz e ma camisa,
	15	que fin’amors m’asegura	car fin’amor m’asegura
		de la freida bisa.	de la freja bisa.
		mas es (fols) qui·s desmesura	cascus hom si desmesura
		e nois ten de guisa,	si no·s ten de guisa,
		per q’ieu ai pres de mi cura,	per qu’eu ai pres de mi cura,
	20	des q’ieu aic enquisa	pus l’agui enquisa
		la plus bella d’amor,	la plus bela, d’amor,
		don aten tant d’onor,	on aten tan d’onor,
		si q’en luoc de ma ricor	car en luec de sa ricor
		no vuoill aver Frisa.	no vuill aver Pisa.
III.	25	De s’amistat m’enräisa	De s’amiztat me resissa :
		et ai ne fiansa,	mas be·n ay fianza,
		que si vals eu n’ai conquisa	car sevals eu n’ai conquisa
		la bella amistansa,	sa bela semblanza,
		et ai en a ma devisa	. . . . . . . . . . . . . . . . . . . . .
	30	tant de benananssa,	. . . . . . . . . . . . . . . .
		que ja·l jorn que l’aia visa	que ja·l jorn q’eu l’aurai visa,
		non aurai pesansa.	non aurai pessanza.
		mon cor ai en amor,	mon cor ai pres d’amor,
		e l’esperitz lai cor,	qe l’esperit lai cor,
	35	e si·m sui ieu sai, aillor,	mas lo cors es sai, aillor,
		loing de lieis, en Franssa.	lonc de lui, en Franza.
IV.		Tant n’aten bon’esperanssa,	Qu’ieu n’ai la bon esperanza,
		vas que pauc m’aonda,	mas petit m’ahonda,
		c’atressi·m ten en balansa	c’autressi·m ten en balanza
	40	cum la nau sus l’onda ;	com la naus en la onda.
		del mal traich qe·m desenanssa,	del mal pes, si·m desenanza,
		non trob on m’esconda ;	no sai on m’esconda ;
		tota nuoich me vira e·m lanssa	tota nuit me vir e·m lanza
		de sobre l’esponda.	desobre m’esponda.
	45	tant trac pena d’amor	puix trac pena d’amor
		c’a Tristan l’amador	de Tristan l’amador
		non avenc tant de dolor	que·n sofri manta dolor
		per Yzeut la blonda.	per Iseut la bronda.
V.		Dieus, car mi sembles yronda	Ai Dieus ! car no fui ironda
	50	que voles per l’aire.	que voles per l’aire.
		q’ieu vengues de nuoich prionda	e vengues per nueg prionda
		lai al sieu repaire !	lai dins son repaire ?
		bona dompna jauzionda,	bona dona jauzionda,
		mor se·l vostr’ amaire !	mor se·l vostr’ amaire !
	55	paor ai que·l cors mi fonda,	paor ai que·l cors me fonda,
		s’aiso·m dura gaire.	s’aixi·m dura gaire.
		dompna, vas vostr’ amor	bela, per vostr’ amor
		joing mas mans et ador !	jun las mas et aor !
		bels cors ab fresca color,	gen cors ab fresca color,
	60	gran mal mi faitz traire !	gran mal me faitz traire !
VI.		Q’el mon non a nuill afaire	Anc Deus no fetz nuil afaire
		don eu tant cossire,	de qu’eu tant cossire,
		s’ieu aug de lieis ben restraire,	can de leis aug ren retraire
		que mon cor no i vire	qu’eu mon cor no·n vire
	65	e mon semblant no·n esclaire,	e mon talant m’en esclaire,
		que q’ieu n’auia dire,	que que·m n’aujat dire,
		si c’ades vos er vejaire	si c’ades vos er vigaire
		c’ai talan de rire.	c’ai talan de rire.
		tant l’am per fin’ amor	tan l’am de bon’ amor
	70	que maintas vetz en plor	que mantas vetz en plor
		per o que meillor sabor	per zo car donza sabor
		m’en an li sospire.	m’en an li sospire.
VII.		Messatgiers, vai e cor	Messatgiers, vai e cor
		e di·m a la gensor	digas a la gensor
	75	la pena e la dolor	. . . . . . . . . . . . . . . . . .
		q’ieu trai e·l martire.	qu’eu trag e·l martire.