Javascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.com

* Estudi introductori

* Davantal
* Bibliografia
* Testimonis
* Aparat crític
* Notes
* Imatges

 

Levy, Emil. Der Troubadour Bertolome Zorzi. Halle: Max Niemeyer, 1883.

Codi: 074,011 Autor: Bertolome Zorzi Gènere: Chanson de croisade Número: XVI

 

Non laissarai qu'en chantar non atenda

I
1
Non laissarai qu’en chantar non atenda
   
D’aisso don sui entr’ alegr’ et iratz,
   
Pois qu’alegriers tan gen l’iram esmenda
   
Qu’eu en remanc enaissi meitadatz ;
 
5
Qu’inz el cor ai doloroza pezansa
   
Penzan quals es l’antius dechazimenz
   
Del saint paes, on deus fo natz e mortz,
   
Em sobral cor alegres jauzimenz,
   
Quar penr’ en vol l’autz reis Lois venjanza.
     
II
10
Don s’es mogutz ab grant esfortz de Fransa
   
E’n vai merir los mescrezens malvatz,
   
On deus en pert sa dreitur’e s’onranza,
   
El paes es deschauzitz et anctatz
   
E nostra leis aunid’en tal deissenda
 
15
Qu’om crestianz non es adreichamenz,
   
S’en pot valer e noi es acordatz,
   
Qu’ab sol penzar com es greus l’aunimenz
    M’es vis de dol quel cors dedinz me fenda.
     
III
 
Mas tals s’a cor qu’est forfaig en car venda
 
20
Qu’en bon esper m’en remanc conortatz,
   
Qu’el non cura ni garda qu’en espenda
   
Ni tem afan que l’en sia donatz,
   
Anz l’en es fais e trebalhs alegranza,
   
Per que nulz hom non deu esser temenz
 
25
Que l’antius danz gen no si’ esmendatz,
   
Qu’el sen vai tan sobrafortidamenz
   
Qu’en re noi ha per que n’aver doptanza.
     
IV
 
Qu’ab lui s’en van bel feridor de lanza,
   
Pecejador de cambas e de bratz,
 
30
Envazidor per far fag d’agradanza,
   
Sbaralhador, quant l’estortz es mesclatz,
   
Bon sofridor, s’esfortz n’a quis defenda,
   
Tant avondos de totz bels garnimenz,
   
Qu’eu non cuig ges c’om quils vej’ acesmatz
 
35
Ni gen garnitz en bels destriers corenz
    Aus sol mostrar senblan que lur contenda.
     
V
 
E si ja fos qu’orguelhs lai tan s’estenda
   
Que mostrar l’aus soudains ni amiratz
   
D’aitan sivals quel dreg de deu non renda,
 
40
Totz hom qu’en vai tanh que sia membratz
   
Quel conbatre y a tan de melhuranza
   
Que s’om hi val vius, n’er de pretz manenz
   
Et a sa fi d’esjauzimen pajatz,
   
E s’om hi mor, tan n’ira plus breumenz
 
45
L’arma jauzir l’enteira benananza.
     
VI
 
Per que l’autz reis navars, cui pretz enansa,
   
Companhal rei tan gent acompanhatz,
   
Que bem sembl’ aver cor e deziranza
   
De servir deu fazen rics faigz honratz,
 
50
Qu’el en fai plus que nolh quer la fazenda,
   
El honratz coms de Toloz’ eissamenz,
   
Qu’outra poder s’es per deu esforsatz
   
De far acors qu’a lui si’onramenz,
    Tant ama far so que dieus en grat prenda.
     
VII
55
Mas ges non tanh qu’om l’engles rei reprenda,
   
S’un petit es per non-poder tarsatz,
   
Quar ben s’a cor que sa promez’ atenda
   
E’n faza mais tan qu’en sia lauzatz ;
   
Ni no cujon qu’el fassa tal tarsansa
 
60
Ques n’aj’ asaut qu’el noi sia prezenz,
   
Qu’estiers com val no valgidutrals prezatz,
   
Pois deu acor’ ab tal poder de genz,
   
Qu’autre socors al sieu non sobravanza.
     
VIII
 
En mon chantar pauzer’en remembranza
 
65
Totz los baros qu’er y acoron plazenz,
   
Quar tostemps mais chascus en fos lauzatz,
   
Mas il son tan qu’eu noi fora sabenz,
    Per qu’eu prec deu que lur don alegranza.

 

 

Institut d'Estudis Catalans. Carrer del Carme 47. 08001 Barcelona.
Telèfon +34 932 701 620. Fax +34 932 701 180. informacio@iec.cat - Informació legal

UAI