Javascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.com

* Estudi introductori

* Bibliografia
* Testimonis
* Aparat crític
* Imatges

 

Soltau, Otto. Die Werke des Trobadors Blacatz. "Zeitschrift für romanische Philologie", 23 (1899), pp. 201-248.

Codi: 052,002=097,012 Autor: Bernart, Blacatz Gènere: Tenso (Partimen) Número: XI

 

Segner Blacatz, ben mi platz e m'aienza

I
1
Segner Blacatz, ben mi platz e m’aienza
   
Que·m respondatz d’aizo qu’eu vos voil dir :
   
Cal volriaz a vostr’ obs retenir
   
De doas domnas bonas ses falenza,
 
5
        D’una beutat et d’un joven,
   
        Mais l’una val mais veramen ;
   
        Et cell’ aurez sol un jorn l’an
    Ca major prez, l’autr’ a vostre talan ?
     
II
 
Amic Bernart, segont ma conoissenza
 
10
Vos respondrai, cal deu om mais grazir :
   
Ades mi plaz on plus m’en pois jauzir
   
De ma domna; mas per c’a mais valenza
   
        Prenc ab tot meinz de jauzimen
   
        Cella c’om ten per plus valen ;
 
15
        S’eu tot m’en suffre plus d’afan,
    En dreit d’amor am mais la plus prezan.
     
III
 
Segner, gran ben son perdut per bistenza ;
   
Per qu’eu non ai de lonc aten desir.
   
Mais volria lo quart meinz ses mentir
 
20
A mon plazer c’un jorn de l’an Proenza.
   
        Que s’eu ai a mon mandamen
   
        Bella domna gai’ e plazen
   
        Mos jois m’ira quec jorn doblan,
    E vos morez d’enveja sospiran.
     
IV
25
Bernart, a obs d’onrada captenenza
   
Voil ades mais bona domna servir,
   
Que·l seus bons prez mi fai mais enantir.
   
Et honraz dons val mais a ma parvenza,
   
        Qui de fort bona domna·l pren,
 
30
        Que d’autra non farian cen,
   
        E menor fach m’en son plus gran,
    E·l tenc plus car, pois n’ai zo qu’en deman.
     
V
 
Segner, be·us dic a la mia crezenza
   
Que·l magers gaug c’om puesc’ e·l mon chausir
 
35
Es, qui pot nus ab pro domna jauzir ;
   
C’am jauzimenz non vim per benvolenza
   
        Un morir, zo·us dic veramen,
   
        E son en mort mil de talen ;
   
        Per qu’eu voil joi douze mes l’an
 
40
Mais c’un sol jorn, si deus m’ajut ni·l san.
     
VI
 
Bernart, tan val cil on ai m’entendenza
   
Qu’eu non la voil per meinz valen gequir ;
   
Qu’an un sol jorn mi pot plus enriquir
   
Que ja mais jois no·m faria failenza ;
 
45
        E pos eu sai ben qu’en breumen
   
        Prenrai lo ric don qu’eu n’aten,
   
        No·us cuidez per ren qu’eu am tan
    Dos menuders c’un don fort, bel e gran.
     
VII
 
        Segner, a lei de tota gen
 
50
        Valon mais mil don avinen
   
        Que non fai un sols chascun an,
    E lonc aten son penas et afan.
     
VIII
 
        Bernart, eu·n voil lo jutgamen
   
        De n’Audiart, c’a prez valen,
 
55
        E sabez per lei, qui val tan,
    Qu’eu ai mielz pres, s’il vol dir son semblan.

 

 

Institut d'Estudis Catalans. Carrer del Carme 47. 08001 Barcelona.
Telèfon +34 932 701 620. Fax +34 932 701 180. informacio@iec.cat - Informació legal

UAI