Javascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.com

* Estudi introductori

* Davantal
* Bibliografia
* Testimonis
* Aparat crític
* Traduccions
* Imatges

 

Kolsen, Adolf. Sämtliche Lieder des Trobadors Giraut de Bornelh. Halle a. S.: Verlag von Max Niemeyer, 1910.

Codi: 242,074 Autor: Giraut de Bornelh Gènere: Canso Número: LI

 

Si sotils sens

I
1
     Si sotils sens
   
O plas aturs no·i val
   
     Que mos leus chans
   
Valh’e poi e s’esmer,
 
5
No m’es per re semblans
   
Que poscha molt valer;
   
Que la cud’e l’esper
   
Que m’en sol aiudar
   
Part et a me no par
 
10
     Que nuls chantars
   
Sia Valens ni chars,
   
Si cudars o temers
   
Opezans’o plazers
   
No m’ensenha com chan
 
15
Grazissen o claman.
     
II
 
     E car no vens
   
La benanansa·l mal,
   
     Es grans afans
   
Celui que trop sofer
 
20
C’ades sia clamans
   
De l’altrui no-chaler.
   
Voletz que·us dia·l ver
   
Que·m desplatz en amar?
   
Com lai poscha trichar
 
25
     Ni si’avars
   
Celui qui·lh s’era clars
   
E bevolens e vers.
   
Dazai aitals poders
   
C’om son amic engan
 
30
Ni·s paie de so dan!
     
III
 
     E si·l cors gens
   
Se vira, no m’en chal
   
     Vas fols mazans.
   
Ab so que no s’esfer
 
35
De salutz ni de mans,
   
Cut c’ab menhs de jazer
   
Me poira retener;
   
Car molt fai a prezar
   
Cortes assolassar
 
40
     En mans afars,
   
On se demor’amars,
   
E fai de grans plazers
   
E pois adob’us sers
   
La corelha d’un an
 
45
A cels que ben i van. 
     
IV
 
     E s’eu sui lens
   
Ni vir lo cor leial
   
     Ni·l dezenans
   
De so qu’el vol, enquer
 
50
Mas lais m’en? — , a tres ans,
   
Qu’eu trop en mo saber!
   
Pos me donet lezer
   
Ses forsa de preiar
   
Mos-Senher de chantar
 
55
     E mos trobars
   
Fo per s’amor espars,
   
Adonc m’ereup e·m ders
   
E falhira·m sabers,
   
Si per mais que·lh deman
 
60
Enquer com m’o desman.
     
V
 
     E si·m bistens
   
Ni·m te·l reis ni·lh reial,
   
     Lo pros es grans,
   
Ma·l dans no sai cals er,
 
65
E s’ilh es corelhans.
   
Car s’auzet eschazer,
   
Del venir, so plazer
   
Fassa del be venjar.
   
Pois si·m letz esperar
 
70
     Els osteiars
   
Que·lh rei faran, l’anars
   
Val mais que·l remaners,
   
Pos rietatz ni valers
   
No s’en pot poiar tan,
 
75
Qu’eu trespasses so man.
     
VI
 
     E Deus agens
   
Ogan nostre chaptal
   
     E·l nos enans
   
Tan que Sarrazi fer
 
80
Sofran perdas e dans,
   
Tro venh’al dechazer.
   
Et om no deu temer
   
Mal per Deu gazanhar
   
Ni no fai a doptar
 
85
     Lo comensars,
   
Que Gascos e Navars,
   
Si lor aond’avers,
   
Aduira·l bos espers
   
E Deus ira denan
 
90
Los nostres chabdelan!

 

 

Institut d'Estudis Catalans. Carrer del Carme 47. 08001 Barcelona.
Telèfon +34 932 701 620. Fax +34 932 701 180. informacio@iec.cat - Informació legal

UAI