Javascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.com

* Estudi introductori
* Bibliografia de l'edició

* Davantal
* Bibliografia
* Testimonis
* Aparat crític
* Notes
* Traduccions
* Imatges

 

Schutz, Alexander H. Poésies de Daude de Pradas. Toulouse - Paris: Édouard Privat - Henri Didier, 1933.

Codi: 124,004 Autor: Daude de Pradas Gènere: Planh Número: XVII

 

Ben deu esser solatz marritz

I
1
Ben deu esser solatz marritz
   
et Amors trista e marrida,
   
e pauc deu hom prezar lor vida
   
e tot lo ben c’om a lor ditz,
 
5
     car cel per cui valia
   
     solatz e cortesia,
   
chans e deportz, Jois e Merces,
    lor es faillitz, don grans dols es.
     
II
 
Ja mais bons vers non er auzitz
 
10
ni cansos per razon complida.
   
Amors, morta es vostra crida,
   
que ditz que vos etz esperitz
   
     cortes, e ver dizia.
   
     Tals hom vos covenia ;
 
15
tuich chantador eron nonres,
    qan volia dir qe·us plagues.
     
III
 
Anc hom non dis motz tant grazitz
   
ni anc lengua tant issernida ;
   
que sa votz era tant polida
 
20
qe·l rossignols er’ esbahitz
   
     qan son doutz chan auzia ;
   
     e pro senes faillia,
   
mais que hom que ieu conogues.
    Per so l’a Dieus a son ops pres.
     
IV
25
Jhesu Crist prec qe·il sia guitz
   
e·l paus a la destra partida
   
c’a sos amics a establida,
   
c’adoncs er ben lo luocs garnitz.
   
     Dompna Sainta Maria,
 
30
     per consseill vos daria :
   
si·us azautatz d’ome cortes,
    n’Ugo Brunenc non laissatz ges.
     
V
 
Trop es caitius et adormitz
   
totz hom cui Avoleza guida,
 
35
car si pert e·l segle oblida ;
   
e quand es d’aqest mon partitz,
   
     Dieus non vol sa paria,
   
     mais en enfern l’envia,
   
on estai totz de penas ples,
 
40
e ia mais non er qui d’el pes.
     
VI
 
Vas Salas ten ta via,
   
Plans, car lai trametia
   
chanssos e vers e sirventes
   
cel cui deu ben plaigner Rodes.
     
VII
45
Bels Desirs, on q’ieu sia,
   
a en mi seignoria
   
per far e per dir qe·il plagues ;
    et anc no·l vi, mas el cor m’ es.

 

 

Institut d'Estudis Catalans. Carrer del Carme 47. 08001 Barcelona.
Telèfon +34 932 701 620. Fax +34 932 701 180. informacio@iec.cat - Informació legal

UAI