Schutz, Alexander H. Poésies de Daude de Pradas. Toulouse - Paris: Édouard Privat - Henri Didier, 1933.

Codi: 461,086 Autor: Daude de Pradas Gènere: Deux coblas Número: App. III

 

D'ome fol ni desconoisen

I	1	D’ome fol ni desconoisen
		non deu ja hom voler s’amor ;
		que fols fa plus de dezonor
		a seluy que plus lo consen ;
	5	car sos blasmamens es lauzar
		e sa lauzor grant blasme par,
		e qui fa fol privat de se,
		mais ama penre mal que be.
II		Mas qui vol aver prez valen
	10	ni ama veraia lauzor,
		non pot ges faire trop d’onor
		a home savi, conoisen ;
		que·l savis conois qu’es lauzar ;
		per que deu esser tenguz quar
	15	qui sap triar lo mal del be
		e conois aco que·s conve.