Javascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.com

* Estudi introductori
* Bibliografia de l'edició
* Glossari

* Davantal
* Bibliografia
* Testimonis
* Aparat crític
* Notes
* Traduccions
* Imatges

 

Johnston, Ronald C. Les poésies lyriques du troubadour Arnaut de Mareuil. Paris: Droz, 1935.

Codi: 030,020 Autor: Arnaut de Maruelh Gènere: Canso Número: XIII

 

Sabers e cortezia

I
1
Sabers e cortezia
   
     e belha paria
   
     e fina beutatz,
   
ab [fis] pretz esmeratz
 
5
a vos fan guerentia,
   
.  .  .  .  .  .  .  .  .  .
   
pros dona e valens,
   
de totz laus avinens ;
   
per que no·s part un dia
 
10
de vos mos pensamens.
     
II
 
Dona·l genser que sia,
   
     per vos me castia
   
     sens e voluntatz
   
e no·m laisson em patz,
 
15
qu'a mon sen, si podia,
   
     mi deslunaria
   
dels autz entendemens,
   
e d'autra part jovens
   
ditz qu'onrada folhia
 
20
val en luecx mais que sens.
     
III
 
En aisso·s pliu e·s fia,
   
     que mais no·s cambïa
   
     de vos mos pensatz,
   
e suy m'aseguratz.
 
25
Mais vuelh qu'amors m'aucia
   
     que grans gailhardia
   
     qui ser recrezens (?)
   
qu'ades [es] mos talens
   
plus segurs tota via,
 
30
mielher e mais valens.
     
IV
 
Per nom de drudaria
   
     d'autra no·m plairia
   
     plazers ni solatz,
    tan sui enamoratz
 
35
que no·us dezamaria,
   
     si ja no·m valia
   
lo vostre guays cors gens,
   
quar el es cors rizens ;
   
mais val belha fadia
 
40
qu'us dos dezavinens.
     
V
 
Totz temps vos amaria,
   
     si totz temps vivia,
   
     dona, so sapchatz ;
   
e doncx humilitatz
 
45
ni merces no·m valria,
   
     que n'o sufriria
   
lo vostr' ensenhamens.
   
Dompn' als belhs digz plazens,
   
merce·us clam, si·us plazia
 
50
que·m valgues chauzimens.

 

 

Institut d'Estudis Catalans. Carrer del Carme 47. 08001 Barcelona.
Telèfon +34 932 701 620. Fax +34 932 701 180. informacio@iec.cat - Informació legal

UAI