Bec, Pierre. Burlesque et obscénité chez les troubadours. Pour une approche du contre-texte médiéval. Paris: Stock, 1984.

Codi: 397,001 Autor: Raimon de Durfort Gènere: Sirventes Número: XXIX

 

Truc Malèc, a vos me tenh

I	1	Truc Malèc, a vos me tenh
		De far Na Enan captenh,
		E pus ieu ab vos me n'emprenh,
		Ben ai en mi tot l'art e'l genh
	5	E ja non vuelh qu'òm m'o ensenh,
		Ans vòlgra fos en un compenh
		Celh que del cornar ac desdenh :
		Mal estarà qui no'l destrenh
		Tant que cornès un' egua prenh.
II	10	Qu'ieu no'i conosc mot vilan,
		Qui que s'o tenha en van,
		Si en Bernatz tot en auran
		Venia'l ser o l'endeman
		Assalhir midòns Na Enan :
	15	Elha mes tras la cueissa'l man
		E'l mostrèt lo trauc sotiran
		E dis: « S'aicí'm cornatz de plan,
		Ieu vos farai mon drut certan.
III		S'aissí no'm voletz servir,
	20	Estiers no me'n puesc partir :
		Cornatz lo còrn, qu'aissí lo'us vir,
		Qu'ieu l'ai fach lavar e forbir,
		E ja no'l sentiretz pudir.
		E ja non tematz escarnir :
	25	Aissí es dreitz al mieu albir ;
		Pus tant faitz qu'ieu lo vuelh sufrir,
		Faitz o tòst si'n voletz jauzir. »
IV		Ben vos en seria pres,
		Sénh' En Bernat de Cornés,
	30	Si al cornar vos eratz mes
		Mentre que'l còrns èr' en defés,
		Que paor ai qu'autre i adés
		E pus que lo còrns serà pres,
		Adoncs no'i cornaretz vos ges.
	35	« Dòmna, que'l cornars fora'm bes
		Mas al reduire'm falh l'alés. »
V		« Sénher, pus de Cornilh ètz
		E sai que cornar solètz,
		Cornatz lo còrn, qu'aicí vezètz :
	40	Que d'aquest auretz mais de prètz
		Que si'n cornavatz d'autres dètz ;
		Segon que servizi'n prendètz,
		Ja dan no'us i tenha devètz,
		O si que non ja non auretz
	45	De mi aiçò que me querètz. »
VI		Fals domnejador, aprendètz
		De mi aiçò que non sabètz :
		Per fals vos tenc car enquerètz
		Dòmna, pueis vos i sordegetz.