Bec, Pierre. Burlesque et obscénité chez les troubadours. Pour une approche du contre-texte médiéval. Paris: Stock, 1984.

Codi: 039,001a Autor: Raimon de Durfort Gènere: Sirventes Número: XXXI

 

Ben es malastrucs dolens

I	1	Ben es malastrucs dolens
		Lo Caersins a sos grens,
		Quan soanèt aitals presens ;
		Ben par que'l conselhèt sirvens :
	5	Ja elh non sia mos parens,
		Que s'elha me'n mostrès dos cens,
		Ieu los cornèra totz jauzens,
		E pueis fora rics e manens,
		Neis li refermèra las dens.
II	10	Non es bona dòmn' el mon,
		Si'm mostrava'l còrn e·l con
		Tot atretal com ilh se son
		E pueis m'apelava : 'N Raimon,
		Cornatz m'aicí sobre'l reon »,
	15	Qu'ieu no'i baissès la car' e·l front
		Com si volgués beure en fon :
		Drutz qu'a sa dòmna aissí respon,
		Ben tanh que de son còr l'aon.
III		Caersinatz tràcher sèrs,
	20	Tu que d'aquel plach mal mèrs
		Gartz, perqué, no'i tornas enquèrs
		Cornar a drech o a envèrs ?
		Que'l còrns es ben lavatz e tèrs :
		Ieu en cornèra cent milhèrs,
	25	E si n'i a assatz de fèrs ;
		Si fossetz pendutz a Bezèrs,
		Non feir' òm tant chançons ni vèrs.
IV		Pus ètz malastrucs sobriers
		Non es Arnautz l'escoliers,
	30	Cui confondon dat e tauliers
		E vai coma penedensiers
		Paupres de draps e de deniers,
		Qu'ieu li donèra grans loguiers
		Per çò qu'ieu lai cornès primiers
	35	E cornèra mielhs que porquiers
		Ni Pòrta-jòia l'escassiers.
V		Arnaut escolier, vai mi
		Ancanòch o al matí
		A Na Enan, e digas li
	40	Que Raimons de Durfort li di
		Que ben es pres del Caersí
		Quand li mostrèt son raboï,
		Mas grieu li respondèra aissí
		Ans i cornèra sens taï
	45	Plus fresc que sirvens apezí.
VI		Bernat de Cornilh, ie 'us desfí,
		Que aguetz del cornar fastí ;
		Per mon Truc Malèc, N'Audoï,
		Te puesc desfïar e per mi.