Bec, Pierre. Burlesque et obscénité chez les troubadours. Pour une approche du contre-texte médiéval. Paris: Stock, 1984.

Codi: 461,174 Autor: Anonyme Gènere: Deux coblas avec tornada Número: XLVIII

 

N'Auriflarna, car vos ètz flamejans

		A N'Auriflama
I	1	N'Auriflarna, car vos ètz flamejans
		Coma fin aur quand es ben aflamatz,
		En la flama ben flamant ni purgatz,
		Soi enflamatz e mon còrs es flamans
	5	D'una flama flamejant qu es mout pura
		Que flameja si com fai dauradura,
		La qual flama tot jorn creis e melhura ;
		N'Auriflama, vos ètz d'aital natura.
II		Vos ètz flama de fin aur reflamans,
	10	N'Auriflama, per qu'ieu soi enflamatz
		De tal flama dont es mon còrs dauratz,
		Que coma l'aur lutz, tant es reflamans ;
		Don flameja fuòc e flama tot dia
		Per vòstr' amor qu'enflama tan la mia,
	15	Si qu'escantir la flama no's poiria,
		Tan soi de vos enflamatz, douç' amia.
III		Flama flamant ni flamier no'm poiria
		Desenflamar, N'Auriflama jolia,
		De vòstr' amor, ans mais n'enflamaria
	20	Qui flamairar de flama me volria.