Bertoni, Giulio. I trovatori d'Italia. Modena: Editore Cav. Umberto Orlandini, 1915.

Codi: 281,005 Autor: Lamberti di Buvalel Gènere: Canso Número: VII

 

Ges de chantar no·m voill gequir

I	1	Ges de chantar no·m voill gequir
		Et ai razos que chantar deia,
		Que negus no me port'enveia
		D'amor, si vos en voill ver dir;
	5	Per cho dei chantar volunters
		Que poiar pois e no dessendre
		D'amor et aug dir e contendre:
		«Qui ren non a, ren non pot perdre».
II		Perdre non dei lo gent servir
	10	Q'ai fait a cella qi·m g[u]erreia
		De cent sospirs, si Deus me veia,
		Aitan corals, que del morir
		Me desfida toz lo premers,
		E si mi fai trop ben entendre
	15	Qe ren no·m val lo lonc[s] atendre,
		Que tant no·i poiria derdre.
III		E per zo pens, qant dei dormir,
		Si razos es q'amar mi deia
		Midonz, qe sobra·m seignoreia
	20	Tant qe per pauc no·m fai follir;
		Mas tant es sos cors plazenters,
		Q'ades me somon de l'entendre
		Mos cors ver cui eu dei atendre;
		E pos tant val, no me·n deu erdre?
IV	25	Dunc, q'en faras? Vols te·n partir?
		Oc, eu. — Per qe? — Qar trop foleia
		Qui sec son dan, e se·t plaideia
		Amors, a dreit creis te·n iauzir?
		— Hoc, qar malgrat de[ls] lauzengiers
	30	Mi rent a leis, q'az autra rendre
		No·m voill, q'ela·m pot dar e vendre,
		Ne nuil[z] maltrait[z] no·m fai esperdre.
V		Pero si tot me fai languir,
		Non es razos que ia·m recreia
	35	D'amar leis, qui vers mi felneia,
		Car zo que·il plaz me fai soffrir,
		Si cum fins amics vertaders
		Que no·s vol ves amor deffendre;
		Mas ço q'il vol voill en grat prendre,
	40	Q'autra no·m pot baissar ni erdre.
VI		Chanzon, va-t-en, bos messagers,
		E (1) . . . . . . . . . ses plus atendre
		Vas (2) . . . . . . . . . fai entendre
		Que Mon Restaur no me pot perdre.
VII	45	Jovenz, beutaz e prez enters
		S'es mes e·l ben e·l grand e·l mendre
		En la [plus bella] (3) ses contendre,
		Que sap prez gaïgnar ses perdre.

 

Note:

1) La lacuna è nel ms. (↑)

2) La lacuna è nel ms. (↑)

3) Lacuna di nove o dieci lettere nel ms. (↑)