Chambers, Frank M.. Three Troubadour Poems with Historical Overtones. "Speculum", 54/1 (1979), pp. 42-54.

Codi: 329,001 Autor: Peire de Bragairac Gènere: Sirventes Número: I

 

Bel m’es cant aug lo resso

I	1	Bel m’es cant aug lo resso
		Que fai l’aubercs ab l’arso,
		Li bruit e·il crit e·il masan
		Que·ill corn e las trombas fan,
	5	Et aug los retins e·ls lais
		Dels sonails; adoncs m’eslais
		E vei perpoinz e ganbais
		Gitatz sobre garnizos;
		M’azauta el frims dels penos.
II	10	E platz mi guerra e·m sab bo
		Entre·ls rics homes que so;
		E dic per que ni per tan;
		Car nuilla ren non daran
		Menz de guerr’e de pantais.
	15	Cascus se sojorna e·is pais,
		Entro que trebaillz lor nais;
		Pois son larc et amoros,
		Humil e de bel respos.
III		Oimais sai qu’auran sazo
	20	Ausberc et elm e blezo,
		Cavaill e lansas e bran
		E bon vassaill derenan;
		Pois a Monpeslier s’irais
		Lo reis, soven veiretz mais
	25	Torneis, cochas et essais
		Als portals maintas sazos,
		Feiren colps, voidan arsos.
IV		E si·l bos reis d’Arago
		Conquer en breu de sazo
	30	Monpeslier ni fai deman,
		Eu non plaing l’anta ni dan
		D’en Guillem, car es savais,
		Ni·n tem lo seignor d’Albais,
		Anz mou tal ais,
	35	Per la fe que dei a vos,
		No sai si l’er danz o pros.