Javascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.com

* Estudi introductori
* Bibliografia de l'edició
* Glossari
* Observacions

* Davantal
* Testimonis
* Aparat crític
* Notes
* Traduccions
* Imatges

 

Aston, S. C.. Peirol. Troubadour of Auvergne. Cambridge: University Press, 1953

Codi: 366,030 Autor: Peirol Gènere: Tenso (partimen) Número: XXIX

 

Senher, qual penriaz vos

I 1
Senher, qual penriaz vos
    de doas donas valens,
    on renha jois e jovens
    e gais talans amoros?
  5 L’un’ auretz, si·us platz,
    tot leu et en patz,
    cueind’ e de bon aire,
    l’autra greu e tart,
    et ab gran regart
  10 er vos en maltraire.
     
II  
Peirol, si tot soi coitos
    d’aize ni de jauzimens,
   
ja no·m degr’ als jutjamens
    d’amor faillir ma razos.
  15 Drutz trop aizinatz
    se camja viatz,
    perqu’ieu fis amaire
    n’am mais a ma part
    ab genh et ab art
  20 esser arditz laire.
     
III  
Senher, trop seria bos
    lo vostre razonamens,
    mas quan chai la plueg’, e·l vens
    e·l freitz destrenh los boisos
  25 e l’amics aten
    a son parlamen
    so que·il fai afaire,
    ben conosc e cre,
    si desmans l’en ve,
  30 qu’iratz s’en repaire.
     
IV  
Peirol, si drutz enginhos,
    ben esperans ni sufrens,
    fai tan c’a sa guiza vens
    lo fol agait del gelos,
  35 adoncs es aders
    quant ha sos volers,
    que no·ill es vejaire
    aia tan d’onor
    ni tan de ricor
  40 reis ni emperaire.
     
V  
Senher, per ma fe,
    mais n’amera be
    que tostems maltraire.
     
VI  
Peirol, per ma fe,
  45 mais n’am mal ses be
    que be ses maltraire.

 

 

Institut d'Estudis Catalans. Carrer del Carme 47. 08001 Barcelona.
Telèfon +34 932 701 620. Fax +34 932 701 180. informacio@iec.cat - Informació legal

UAI