Javascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.com

* Estudi introductori

* Davantal
* Aparat crític

 

Eichelkraut, Franz. Der Troubadour Folquet de Lunel. Berlin: W. Weber, 1872

Codi: 154,005 Autor: Folquet de Lunel Gènere: Canso Número: I

 

Quan beutatz me fetz de premier

I 1
Quan beutatz me fetz de premier
    en la forsa d’amor intrar,
    cugera, sim volgues forsar
    mon cor, quem gites de pensier,
  5 si mi dons, que nom aonda
    nil plai quem esgar nim responda,
    me laisses tan cum fai languir,
    yeum cugera d’amor partir.
     
II  
E pren m’en cum al marinier,
  10 quant s’es empenhs en auta mar
    per esperansa de trobar
    lo temps que mais dezir’e quier,
    e quant es en mar prionda,
    mals temps e braus sa nau sobronda
  15 tant quel perilh non pot gandir
    ni pot remaner ni fugir.
     
III  
Atressi per mon sen leugier
 
 
suy ieu intratz en aut amar,
    per esperansa de joy car
  20 aver del gay cors plazentier
    de mi dons, qu’es bell’e blonda
    e de totz mals ayps cast’e monda,
    sal d’aitan, qu’om non pot yssir
    de brau amar, que lieys remir.
     
IV 25
Per lieys, tan n’ai gran dezirier,
    suy remazutz el major far
    d’amor, e nom puesc governar
    mas ab govern de cossirier,
    qu’ai tan gran, qu’ieu crem cofonda;
  30 tan dezir la plus jauzionda
    del mon, ques la gensers ques mir,
    segon qu’om pot ni sap chauzir.
     
V  
Vermelha cum flors de rozier
    a sa color ses gienh e var
  35 son vis, ab que sap esgardar
    tan prim quel cor ans quel cors fier,
    don nays amors dezironda,
    e non a voler, que s’esconda
    del colp selh, quel pren; quar ferir
  40 sap tan gen, qu’om non vol guerir.
     
VI  
Reys Jacmes, tan vos aonda
    fis pretz, queus fai ab valor monda
    a dieu e a segle grazir,
    tans plazers sabetz far e dir.
     
VII 45
Coms de Rodes, qui quen gronda,
    cort tenetz bon’e jauzionda,
    e ma gensers tem tan fallir,
    qu’ab me no vol esdevenir.

 

 

Institut d'Estudis Catalans. Carrer del Carme 47. 08001 Barcelona.
Telèfon +34 932 701 620. Fax +34 932 701 180. informacio@iec.cat - Informació legal

UAI