Jeanroy, A.. Poésies provençales inédites d'après les manuscrits de Paris. "Annales du Midi", 17 (1905), pp. 457-489

Codi: 293,021 Autor: Marcabru Gènere: Vers Número: X

 

El mes quan la fuelha fana

I	1	El mes quan la fuelha fana
		El autra branquilha
		El rossinholet safana
		Desotz la ramilha
	5	Quel platz frims a la luguana
		Del chant que grezilha.
II		Quecx auzel que za votz sana
		De chantar satilha
		E sesforza si la rana
	10	Lonc la fontanilha
		El chaus ab sa chauana
		Sals non pot grondilha.
III		Sesta creatura uana
		Damor sa parilha
	15	Lur ioys sec la via plana
		El nostre bruzilha
		Quar nos qui plus pot enguana
		Per qusquecx buzilha.
IV		Volpils lengua trauersana
	20	Qua lairo cossilha
		Ab sa messorgua baussana
		Dezerta cezilha
		So per quamor segurana
		Non truep ses ruylha.
V	25	Iouens feuney e trefana
		E donars becilha
		Saubudaes causa certana
		Que ualors guancilha
		E maluestatz ua sobrana
	30	La maire la filha.
VI		Pieger es que gualiana
		Amors que gispilha
		Cruzels cozens e baiana
		Calens e frezilha
	35	Quar molt tratz mal e safana
		Selhuy qui estrilha.
VII		Sist falsa gent crestiana
		Quen crim peca e fremilha
		A la fi ues corrossana
	40	Uira lescobilha
		Quel baptisme de iordana
		Lur notz els perilha.