Appel, Carl. Poésies provençales inédites tirées des manuscrits d’Italie. "Revue des langues romanes", 34 (1890), pp. 5-35

Codi: 443,005 Autor: Torcafol Gènere: Cobla Número: [X]

 

Veillz Cumunals plaides

I	1	Veillz Cumunals plaides,
		ver brivat lo corves;
		e·ill malvatz serventes
		qe vos auch far e dir,
	5	me tornon en azir,
		e·ill vostra ianglosia,
		don vos faiz escarnir,
		me desplaz chascun dia,
		e·m n'es vos enoios,
	10	que limars d'esperos,
		gals esems e falcos
		am mais auzir que vos.
II		Mas sobrebe vos pres
		car viella no volges,
	15	c'ab autra foraz mes
		e fera·us greu soffrir.
		e non a obs que·us tir
		tossa sa drudaria,
		se ia se·n vol iauzir;
	20	qe no se·n iauziria,
		c'outra doas messos
		non auria drut de vos;
		e de nulla·l ianglos
		no sera ia cogos.