Appel, Carl. Poésies provençales inédites tirées des manuscrits d’Italie. "Revue des langues romanes", 34 (1890), pp. 5-35

Codi: 162,001 Autor: Garin d'Apchier Gènere: Cobla Número: [XII]

 

Aissi con hom tra l'estam

I	1	Aissi con hom tra l'estam
		as envers, q'era adreich,
		e si cum meno·l carreich
		li bou, qant trao·l legnam,
	5	un nou sirventes ailluc
		de mon Comunal astruc,
		qui chaschus torna en desdeing
		e destorz son entresseing.
II		Ia no·ill cal gardar cho clam
	10	per si ni per son arneich,
		ni per bon astre qe·il veich
		ni pel sieu corren volam,
		pel ioglareiar faduc,
		ni per las canas del suc,
	15	ni per las cordas del seing
		qui son el sieu col susteing.