De Bartholomaeis, Vincenzo. Poesie provenzali storiche relative all'Italia. Volume primo con ventiquattro silografie. Roma: Tipografia del Senato, 1931

[CdT en procés d'incorporació]

Codi: 344,005 Autor: Peire Guilhem de Luserna Gènere: Deux coblas avec deux tornadas (et réponse) Número: XCIV

 

Qi Na Cuniça guerreja 

I	1	Qi Na Cuniça guerreja
		Per orgoill ni per enveja
		Foldat gran
		Fai, car sa beltatz resplan
	5	E sos rics prez seignoreja,
		E taing se qe far o deja:
		So vos man;
		Per qe m’aura derenan
		Servidor, e, si desreja
	10	Negus vas lei ni felneja,
		De mon bran
		Saubra sis tailla nis pleja.
II		E qill mou guerra ni tenza
		Nol cosel c’an en Proenza
	15	Dompnejar,
		Qe ben poira semblar
		Folz, e portar penedenza
		Per la soa malvolenza,
		Don m’anpar;
	20	Pero de Lusernas gar,
		C’orgoill ni desconoissenza
		No i troban luec ni guirenza,
		Quil affar
		De lai son tuit de Plasenza!
III	25	Mesura e conoissenza
		Deu retener per semenza
		Qi regnar
		Vol ab bella captenenza.