De Bartholomaeis, Vincenzo. Poesie provenzali storiche relative all'Italia. Volume primo con ventiquattro silografie. Roma: Tipografia del Senato, 1931

[CdT en procés d'incorporació]

Codi: 265,001a=437,010a Autor: Joan d'Albuzo, Sordel Gènere: Tenso Número: C

 

Digatz mi s’es vers zo c’om brui

I	1	«Digatz mi s’es vers zo c’om brui,
		Sordel, q’en don prenetz l’altrui».
		«Joan, lo joi c’amors m’adui
		De l’autrui moiller non refui».
	5	«Sordel, paubertatz vos condui,
		Zo diz om, en joglaria».
		«Joan, d’alre joglars non sui
		Mas de ben dir de m’amia».
II		«Pos joglars non es, com prezes,
	10	Sordel, antan draps del Marques?»
		«Joan, eu non los prezi ges
		Mas per creisser joglar d’arnes».
		«Sordel, tal joglar en cregues
		Q’eu sai qeus sec noig e dia».
	15	«Joan, per amor sui cortes
		E don’ei en Conh’a tria».
III		«Sordel, re no vos vei donar,
		Mas eus vei qerer e prejar».
		«Joan, molt enojos joglar
	20	Hai en vos, nol vos puesc celar».
		«Sordel, lo vostre mendigar
		Blasmon fort en Lumbardia».
		«Joan, no vos auz encolpar
		D’enjan ni de fellonia».
IV	25	«Sordel, vos respondet molt gen,
		A lei de joglar aprenen».
		«Joan, eu respon avinen,
		S’es qui m’entenda d’avinen».
		«Sordel, moiller trobatz truep len
	30	E ges no sai per qe sia».
		«Joan, q’aicil en cui m’enten
		M’am’, e noi vueil compagnia».