Javascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.com

* Estudi introductori

* Davantal
* Aparat crític
* Notes
* Traduccions

 

De Bartholomaeis, Vincenzo. Poesie provenzali storiche relative all'Italia. Volume primo con ventiquattro silografie. Roma: Tipografia del Senato, 1931

[CdT en procés d'incorporació]

Codi: 410,003 Autor: Raimon de Tors Gènere: Sirventes Número: CXLVIII

 

Ar es dreitz q’ieu chan e parlle

I 1 Ar es dreitz q’ieu chan e parlle,
    Pos de Viena e d’Arlle
    Vol esser reis En Richartz;
    Don ha dol lo Reis de Karlle
  5 E ric plazer N’Odoartz
    Qe non es lotz ni coartz.
     
II   Per q’ieu mon chantar esmeri?
    Qar cuja aver l’Emperi
    E seinhorezar Lombartz;
  10 Qi sabon tot lo sauteri
    De cor, et totas las partz,
    E mais qe per las .VII. Artz;
     
III   E car lo Reis de Castella,
    Qe prez e valor capdella,
  15 Estan ab sos Espainhols,
    Vol l’Emperi ni l’apella;
    Don ieu dic qez escurols
    Non es plus lieus qe sos vols;
     
IV   Qar es de prez emperaires,
  20 E de valor caps e paires,
    E fins jois es sos filhos,
    E fin’amors es sa maires,
    E gais solatz sos estolls
    E sos grans enemics dols;
     
V 25 E qar sai q’a nostre Comte
    De Proensa rendra comte
    Qis coronera lonc clau;
    Mas ja ieu los colps non conte
    Qez en massis ez en cau
  30 Si ferran fort e suau,
     
VI   Qan la Corona del ferre
    Venran clerc ez Engles qerre,
    L’un ab força e l’autr’ab frau;
    Pero, qals qe s’en sotzterre,
  35 Clerg en feran a Dieu lau
    En vistran vermeilh e blau.
     
VII   Pron fai de si avol comte
    Qi a maistre de frau
    Si liura, per liges clau.
     
VIII   Cel vol trebailh conqerre
    Qez a de fin prez la clau,
    S’es aissi com hom mentau.

 

 

Institut d'Estudis Catalans. Carrer del Carme 47. 08001 Barcelona.
Telèfon +34 932 701 620. Fax +34 932 701 180. informacio@iec.cat - Informació legal

UAI