De Bartholomaeis, Vincenzo. Poesie provenzali storiche relative all'Italia. Volume primo con ventiquattro silografie. Roma: Tipografia del Senato, 1931

[CdT en procés d'incorporació]

Codi: 282,026a Autor: Lanfranc Cigala Gènere: Sirventes Número: CLXVII

 

A ’N Rizart man que per obra d’aragna 

I	1	* * * * * * * * * * * * * * *
II		A ’N Rizart man que per obra d’aragna
		Ha hom tenguda aquella captenenza
		Qual n’a facha, e quan nos gazanha
		Pretz ni valor; mas qui so qu’el comensa
	5	Sap gen finir, n’aven lau entrels pros;
		E, si d’aver l’Emperi es volontos,
		Non lais saisir aiquesta jen de Fransa,
		Quil sap . . . dal bal . . .  s tera.
III		Lo reis N’Anfos, se de ren badalangna
	10	De pretz, n’i cal mas de far penedensa;
		Des qu’el quites lo regne de la Magna
		Ni s’Emperi, don mostr’aital tenensa,
		E si nol ven contrastar a abansdos,
		Ni plus nol lai d’erenan temoros,
	15	Er puis tota sa terra ses oransa;
		Ja mais per Rei non viura ses mermansa.
IV		E al Rei Karle no crei que cors sofraigna
		Del contendre trop qu’ hom en camp lo vensa,
		Car il no . . . en seignoria compaigna,
	20	Ni pogra far d’aver seignor sofransa;
		Per quel contes er lo plus cabalos
		El plus aspres qui anc el segle fos,
		Car ges omais non podon acordansa
		Far entre lor mas per blan o per lansa.
V	25	Gentil dona, cor ai c’a vos mi plaigna
		Del fals amor e de vostra parvensa,
		Qui jureron quius non trobei estragna,
		Merces de vos e de vostra valensa;
		E, pois merces non pois trobar en vos,
	30	S’ieu m’en rancur, a drech sui rancuros;
		Pero non puesc, per nulla malanansa,
		Lungar de vos mon cor, viva speransa.
VI		Ja m’agradan, En Sordel, las tenzos
		Dels grans seignors, qu’ieu non poisc oblidos
	35	Estar ni lais, per neguna defensa
		Qu’ieu en fassa, qan s’avenm’en membransa.
VII		Domna, de Dieu e de vostras faisos
		Mi clam, car m’an decebut e confos;
		Dieus car anc fes ses merce tal senblansa
	40	El gai senblan qui regna ses piedansa?