De Bartholomaeis, Vincenzo. Poesie provenzali storiche relative all'Italia. Volume primo con ventiquattro silografie. Roma: Tipografia del Senato, 1931

[CdT en procés d'incorporació]

Codi: 437,037 Autor: Sordel, Carlo D'Angiò Gènere: Échange de coblas Número: CLXXII

 

Toz hom me van disen      en esta maladia 

I	1	«Toz hom me van disen      en esta maladia
		Qe, s’ieu mi conortes,      qe gran ben me faria;
		Ben sai q’il deison ver;      mas com far lo porria
		Hom q’es paubre d’aver      et es malatz tot dia
	5	Et es mal de seignor      e d’amor e d’amia?
		Fois qi m’o ensignes,      ben me conortaria».
II		«Sordels diz mal de mi,      e far no lon deuria,
		Q’ieu l’ai tengut ades      car e onrat tot dia:
		Donei li fol, molin,      e autra manentia,
	10	E donei li mollier      aital com el volia;
		Mais fols es e ennojos, e es plens de follia;
		Qil dones un contat, grat no lin sentiria».