Wolf, George; Rosenstein, Roy. The Poetry of Cercamon and Jaufre Rudel. New York & London: Garland Publishing, Inc, 1983

[CdT en procés d'incorporació]

Codi: 112,001 Autor: Cercamon Gènere: Tenso Número: 2

 

Car vei fenir a tot dia

I	1	"Car vei fenir a tot dia
		[l’amor], lo joy, e·l deport,
		e no·m socor la clerzia,
		non puesc mudar no·m cofort
	5	co fay, can conois sa mort,
		lo signes, que bray e cria,
		e·n mou son sonet per fort,
		que·l cove fenir sa via,
		e plus no·i a de conort.”
II	10	“Maïstre, si Dieus me valha,
		ben dizetz so que cove;
		mas ja d’aisso no vos calha
		car li clerc no vos fan be;
		car lo bos temps ve, so cre,
	15	que auretz aital guazalha
		que vos dara palafre,
		o renda que mais vos valha,
		car lo coms de Peitieus ve.”
III		“Guilhalmi, non pretz mealha
	20	so que·m dizes, per ma fe;
		mais volria una calha
		estreg tener en mon se
		no faria un polhe
		qu’estes en autrui sarralha,
	25	c’atendes la lor merce;
		car soven, so cug, badalha
		qui s’aten a l’autrui be.”
IV		“Maïstre, gran benanansa
		podetz aver si sofretz.”
	30	“Guilhalmi, vostra vanansa
		non crei, si corn vos dizetz.”
		“Maïstre, car no·m crezetz?
		Gran be vos venra de Fransa
		si atendre lo voletz.”
	35	“Guilhalmi, tal esperansa
		vos don Dieus com vos m’ufretz.”
V		“Maïstre, n’ajatz coratge
		d’efan ni d’ome leugier.”
		“Guilhalmi, sobre bon guatge
	40	vos creyria volontier.”
		“Maïstre, man bon destrier
		an li home de paratge
		per sufertar al derrier.”
		“Guilhalmi, fort e salvatge
	45	. . . . . . . . .”
VI		“Maïstre, josca la brosta
		vos pareisa·l teit novel.”
		“Guilhalmi, be pauc vos costa
		lo mieus ostals del castel.”
	50	“Maïstre, conte novel
		aurem nos a Pantacosta,
		que·us pagara ben e bel.”
		“Guilhalmi, fols qui·us escota:
		vos pagatz d’autrui borcel.”