Javascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.com

* Estudi introductori

* Davantal
* Bibliografia
* Testimonis
* Aparat crític
* Traduccions

 

Mouzat, Jean. Les poèmes de Gaucelm Faidit. Troubadour du XIIe Siècle. Paris: A. G. Nizet, 1965

Codi: 076,023 Autor: Bertran d'Alamano Gènere: Alba Número: 68

 

Us cavaliers si jazia

I 1
Us cavaliers si jazia
    ab la re que plus volia ;
    soven baizan li dizia :
    — Doussa res, ieu que farai ?
  5 que-l jorns ve e la nueytz vai.
                   ay !
    qu’ieu aug que li gaita cria :
    « Via ! sus ! qu’ieu vey lo jorn
              venir apres l’alba ».
     
II 10
Doussa res, s’esser podia
    que la mais alba ni dia
    nos fos, grans merces seria ;
    al meyns al luec on estai
    fis amicx ab so que-l plai —
  15                ay !
    qu’ieu aug que li guaita cria :
    « via ! sus ! q’ieu vey lo jorn
              venir apres l’alba ».
     
III  
Doussa res, que qu’om vos dia,
  20 no cre que tals dolors sia
    cum qui part amic d’amia,
    qu’ieu per me mezeys o sai
    ai las ! quan pauca nueytz fai !
                   ay !
  25 qu’ieu aug que li guaita cria :
    « via ! sus ! qu’ieu vey lo jorn
              venir apres l’alba ».
     
IV  
Doussa res, ieu tenc ma via —
    vostres suy, on qu e ieu sia …
  30 Per Dieu, no m’oblidetz mia,
    que-l cor del cors reman sai,
    ni de vos mais no-m partrai —
                   ay !
    qu’ieu aug que li guaita cria
  35 « via ! sus ! qu’ieu vey lo jorn
              venir apres l’alba ! ».
     
V  
Doussa res, s’ieu no-us vezia,
    breumens crezatz que morria
    que-l grans dezirs m’auciria ;
  40 per qu’ieu tost retornarai,
    que ses vos vida non ai !
                   ay !
    qu’ieu aug que li gaita cria
    « via ! sus ! qu’i eu vey lo jorn
  45           venir apres l’alba ».

 

 

Institut d'Estudis Catalans. Carrer del Carme 47. 08001 Barcelona.
Telèfon +34 932 701 620. Fax +34 932 701 180. informacio@iec.cat - Informació legal

UAI