Javascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.com

* Estudi introductori
* Glossari

* Davantal
* Testimonis
* Aparat crític
* Notes
* Traduccions
* Imatges

 

Kolsen, Adolf. Beiträge zur Altprovenzalischen Lyrik (42 Erstmalig Bearbeitete Dichtungen). Firenze: Leo S.Olschki, 1939

Codi: 434a,003 Autor: Serveri de Girona Gènere: Sirventes Número: 16

 

Ar agues eu atretan d'ardimen

I 1 Ar agues eu atretan d'ardimen
    Com lo moutos que requeria l'ors
    E dixera a midons ses temor
    Lo ben que·l vuyll e·l mal que per leys pren,
  5 E faz per leys mas chanços e mos vers,
    Car fay senblan que mos chans l'es plasers.
    Pero no·m pes que·s cuig que de leys chan.
     
II   Ja, per ma fe, no n'auray espaven,
    Pus lo moutos non l'avia de l'ors ;
  10 Ans, si tot s'es Sobrepretz ab valor,
    Diray li que sa bontat me car ven
    E que suy seus, fis e leyals e sers
    Qu'en als non es mos senz ne mos sabers
    Mas en lauzar son bel cors benestan.
     
III 15 Eras faray meravillar la gen,
    Car dic qu'eu vi al mouto ferir l'ors.
    Ja la bela, c'am ab leyal amor
    A l'espencha, o·s descorda, no·m men,
    Ne tu, boca, non ages ço qu'enquers,
  20 Si ço qu'eu dic no vi e non es vers,
    Per qu'en preyar no·m veyretz mas dubtan.
     
IV   Non l'auzaray dir : « Domn', a vos mi ren »,
    Pus lo moutos ausava ferir l'ors ?
    Si faray be, e que salvan s'onor,
  25 Que gen gard e ab mesur' e ab sen
    Si que no tem gelos ne lauzengers —
    Tan val sos pretz part totz autres valers —
    Reteyna me e m'amor e mon chan.
     
V   Al menz pendray aytan d'enfortimen,
  30 Pus lo moutos lo pres contral fort ors,
    Que li diray : «Vos am e vos azor
    E vos mercey », e si d'ayço·m repren,
    Car li sui fis, leyals e vertaders,
    Eu li diray que totz aytals volers
  35 S'es mes en mi d'amor con en Tristan.
     
VI   Na Sobrepretz, us gelos fals parlers
    Me fay estar ab mans greus desplasers
    D'anar vas vos, e muyr çay deziran.
     
VII   Tot quant vey, m'es gaugs e sobreplasers,
  40 Can pes dels Cartz con Sobrepretz estan.
     
VIII   E vey valer mays que nuyl rey l'enfan.

 

 

Institut d'Estudis Catalans. Carrer del Carme 47. 08001 Barcelona.
Telèfon +34 932 701 620. Fax +34 932 701 180. informacio@iec.cat - Informació legal

UAI