Kolsen, Adolf. Beiträge zur Altprovenzalischen Lyrik (42 Erstmalig Bearbeitete Dichtungen). Firenze: Leo S.Olschki, 1939

Codi: 434,009b Autor: Serveri de Girona Gènere: Cobla Número: 18

 

Prometre ses dar es aytals

I	1	Prometre ses dar es aytals
		Con solatz d'enemics mortals,
		E pert se dos e laus e gratz
		En dos forçadamens donatz.
	5	Al prometre·s deu hom guardar
		Trop mays del do promes tardar ;
		Qu'entrels francs, vertaders, cortes
		N'a·i egals dos datz e promes.
II		Gentils domn'ab gay cor cortes,
	10	Per vos ay dit ço que vers es !