Kolsen, Adolf. Beiträge zur Altprovenzalischen Lyrik (42 Erstmalig Bearbeitete Dichtungen). Firenze: Leo S.Olschki, 1939

Codi: 406,026 Autor: Raimon de Miraval Gènere: Canso Número: 27

 

De trobar ai tot saber

I	1	De trobar ai tot saber
		E de chantar votz e gejn
		Tal que ja hom no·m n'essejn ;
		Say dir enuig e plaser.
	5	Vers es que·m so d'aitan reconogutz
		Qu'anc no fuy tan esperdutz
		Que de solatz aiudar no·m saubes,
		Don ren del tot midons laus e merces.
II		Per leis lïar a poder,
	10	E faz e dic e aprejn
		Tan qu'entrels adreigs covejn
		E·m faz a donas voler
		Pero no·m val negus meils dels valutz
		Mas sol aicel qui m'adutz
	15	Aitan d'onor qu'eu aver la pogues ;
		Car il m'a tot, c'autra no·m dejn eu ges.
III		Car si n'ai man bel parer
		Vist d'autras, una no·n dejn,
		Don trob er onrat mantejn ;
	20	Mas d'aitan m'en desesper
		Qu'esser no vuil per midons mantengutz,
		Ab que sai fos mejnscresutz.
		Ges no·i pertanh ; qe per leis so cortes
		E·m platz lur pretz deforas e lur bes.
III	25	Qui de sa beutat ditz ver,
		Tan bela dona no·s cejn,
		E ja Dieus no·m salv ni·m sejn,
		S'ieu anc tal pogui veser.
		Per zo·m son eu del tot a leis vendutz ;
	30	Qu'estiers no datz ni rendutz,
		E si pogues, huymais fera merces
		C'ab bel semblan a tot mon captal pres.
IV		Tan sab ma dona valer
		C'un'al sieu laus non atejn
	35	C'antan de bon esdevejn
		Li mandet Deus retener.
		Ai, sol amics fos per leis car tengutz
		E si tam be fos cresutz -
		………………….-es.
	40	…………………..-es.