Javascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.com

* Estudi introductori
* Bibliografia de l'edició
* Glossari
* Observacions

* Davantal
* Bibliografia
* Testimonis
* Aparat crític
* Notes
* Traduccions
* Imatges

 

Oroz Arizcuren, Francisco J. La lírica religiosa en la literatura provenzal antigua. Pamplona: Excma. Diputación Foral de Navarra - Institución Príncipe de Viana, 1972.

Edición crítica, traducción, notas y glosario. Versión revisada para Corpus des Troubadours, 2011.

Codi: 248,070 Autor: Guiraut Riquier Gènere: Alba religieuse Número: XXXII

 

Qui velha ses plazer

I   Qui velha ses plazer
    e ses son pro lonc ser,
    l’alba deu dezirar
    que fai lo iorn parer:
  5 et yeu dezir vezer
    selha del ver iorn clar,
    quar lonc temps ai velhat
    ab dan en escurtat
    don volria yssir:
  10 per que ai gran dezir
    de veraya clartat,
    en que puesc avenir
    si m’en vol far secors
    selha qu’a peccadors
  15 vius penedens es alba.
     
II   Quar hom non a, per ver,
    de far nulh ben poder
    ses la verge pregar,
    maire de tot saber;
  20 qu’ilh n’acapta lezer
    ab son filh que·l pot dar;
    so es Dieus, per vertat,
    vers que li a donat
    tant, qu’elh vol exauzir
  25 sos precx et obezir:
    doncx preguem la de grat,
    qu’a las armas gandir
    nos fassa ver secors
    sella qu’a peccadors
  30 vius penedens es alba.
     
III   Elha es per dever
    via de bon esper
    ab que·ns devem salvar,
    e portz qu’ab ferm voler
  35 podem pregan aver,
    et estela de mar,
    maires de pïetat,
    lums de tota bontat
    e salutz de perir,
  40 porta de gaug complir;
    e sol que caritat
    ajam, no·ns pot falhir
    de far verai secors 
    selha qu’a peccadors
  45 vius penedens es alba.
     
IV   Yeu, las, me dey doler
    e de greu mort temer
    per mo malvat obrar
    [. . . . . . . . . . .]

 

 

Institut d'Estudis Catalans. Carrer del Carme 47. 08001 Barcelona.
Telèfon +34 932 701 620. Fax +34 932 701 180. informacio@iec.cat - Informació legal

UAI