Javascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.com

* Estudi introductori
* Bibliografia de l'edició

* Davantal
* Testimonis
* Aparat crític
* Notes
* Traduccions

 

Branciforti, F.. Le rime di Bonifacio Calvo. Catania: Università di Catania. Biblioteca della Facoltà di Lettere e Filosofia, 1955

[CdT en procés d'incorporació]

Codi: 101,015 Autor: Bonifaci Calvo Gènere: Canso Número: III

 

Temps e luecs a mos sabers

I 1 Temps e luecs a mos sabers,
    si saupes, d'avinen dire,
    pois c'amors m 'a faig eslire
    leis, on es gaugz e plazers,
  5 beutatz, senz, pretz e valors;
    doncs, pois tan m'enanz'amors
    qu'eu am tal domn'e dezir,
    non dei a bos motz faillir.
     
II   Mout fon corals lo dezirs
  10 que·s venc en mon cor assire
    can de sos oils la vi rire
    e pensar ab mainz suspirs,
    camiant mais de mil colors:
    don una douza dolors
  15 me·n venc el cor, que doler
    mi fai senes mal aver.
     
III   Non es renda ni avers
    per qu'eu camies mon martire
    -tant fort mi plai!- e l'azire,
  20 c'aissi entre dos volers
    m'estauc ab ris et ab plors,
    ab trebaill et ab douzors:
    aissi·m cug iauzenz languir
    tant, qu'il deing mos precs auzir.
     
IV 25 Car tant no·m greva·l languirs
    qu'eu ia vas autra·l cor vire;
    anz l'am mil tanz e dezire
    on piegz n'ai, car sos genz dirs,
    sos senz e sas granz lauzors
  30 m'an si conques, per c'aillors
    non poiria conquerer
    joi, que·m pogues ren valer.
     
V   Car lo sobraltius valers
    de leis, cui sui finz servire,
  35 es tant sobre tot consire,
    e·l sieus honratz chapteners
    es tant genzer dels gensors,
    que·n sui tant en gran ioi sors,
    que d'als no·m pot iois venir,
  40 qu'eu ren pretz ni dei grazir.

 

 

Institut d'Estudis Catalans. Carrer del Carme 47. 08001 Barcelona.
Telèfon +34 932 701 620. Fax +34 932 701 180. informacio@iec.cat - Informació legal

UAI