Javascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.com

* Estudi introductori
* Bibliografia de l'edició

* Davantal
* Testimonis
* Aparat crític
* Notes
* Traduccions

 

Branciforti, F.. Le rime di Bonifacio Calvo. Catania: Università di Catania. Biblioteca della Facoltà di Lettere e Filosofia, 1955

[CdT en procés d'incorporació]

Codi: 101,014 Autor: Bonifaci Calvo Gènere: Canso Número: IV

 

Tant auta dompna·m fai amar

I 1 Tant auta dompna·m fai amar
    Amors e qu'es tan bell'e pros,
    que sol deingnes de dezirar
    s'amor non sui; ni vol razos,
  5 -tant sobreval!- que·il plaia qu'eu
    l'am ges, ni que m'autrei per sieu:
    mas sai bes que de lleis m'eschai
    per dreig l'affanz e·l mals qu'eu n'ai.
     
II   Si tot s'es de tot be sens par,
  10 tant l'am e tant sui volontos
    de lleis servir et d'esauzar
    son prezat pretz totas sazos,
    que l'afan gran e·l malrag grieu,
    qu'eu n'ai, pois non mier autre feu,
  15 m'autrei'a razon, e non sai,
    tot mo autrei si trop dig ai.
     
III   Mas ben crei que trop derreiar
    m'a faig sos finz pretz cabalos,
    que·m fai del meu turmen pagar
  20 tant, que non es ma sospeizos
    que sia bes que vailla·l mieu
    maltrag; e s'aitan dig que·l grieu,
    vailla·m rnerces, car tam ben n'ai,
    que de celar poder non ai.
     
IV 25 No·m puosc tener de parven far
    com sui benananz e ioios,
    car Amors m'a volgut honrar
    mais d'amador c'anc el mont fos.
    E dirai trop, o non ben leu,
  30 que, si plagues amar a Dieu
    dompna del mon, avinen plai
    auri'en leis, que chausid'ai.
     
  Car val mais c'om non pot pensar
    lo reis de Castella n'Anfos,
    sui seus, car sa valors m'empar,
    s'er qui trop senbla orgoillos;
    e si·l plai que·m puege ni·m leu,
    non voill aillors querre manleu,
    c'ab sa valor dir auzarai
    daus on mi ve l'affanz qu'eu ai.

 

 

 

Institut d'Estudis Catalans. Carrer del Carme 47. 08001 Barcelona.
Telèfon +34 932 701 620. Fax +34 932 701 180. informacio@iec.cat - Informació legal

UAI