Appel, Carl. Provenzalische Inedita aus pariser Handschriften. Leipzig: Fues’s Verlag, 1890.

Codi: 230,003 Autor: Guillem Ramon de Gironella Gènere: Canso Número: LXVII

 

Pos l'amors s'ensen

I	1	Pos l'amors s'ensen
		que·l cor me destrencha,
		quan no me·n defen
		sill a cui m'aten,
	5	c'ab petit d'aiuda·
		m pot leu far iauzen
		ab gentil semblan d'amia,
		— e se i dic fulia
		ni ergueill,
	10	ia repres no·n sia,
		c'ades me·n tueill. —
II		Si.l gai covinen
		no.m franh ni destrencha,
		que·ill vau als quiren?
	15	ar dira·n rizen
		qu'ill aital aiuda
		no·m fes anc per sen;
		per merce, si·ll platz, n'estia!
		— e se i dic fulia
	20	ni ergueill,
		ia repres no·n sia,
		c'ades me·n tueill. —
III		Pos del pensamen
		qui·m fen e·m destrencha,
	25	no sai com m'esten,
		irai folamen
		cridan: dieus, aiuda!
		qu'ill m'ausi languen,
		s'ar no·m blan sa senhoria.
	30	— e se i dic fulia
		ni ergueill,
		ia repres no·n sia,
		c'ades m·en tueill. —
III		La pena qu'ieu sen,
	35	plus fort mi destrencha
		que no fes parven,
		quar selan sufren
		deziran s'aiuda
		m'agreuia·l turmen.
	40	ai! Tan leu me·n lauzaria!
		— e se i dic fulia
		ni ergueill,
		ia repres no·n sia,
		c'ades me·n tueill. —
IV	45	Ges no·m n'espaven,
		si tot mi destrencha,
		tan l'am finamen
		c'al sieu pretz valen
		querrai me·n aiuda,
	50	car m'esiau . . . . .