Appel, Carl. Provenzalische Inedita aus pariser Handschriften. Leipzig: Fues’s Verlag, 1890.

Codi: 244,003 Autor: Guiraut d'Espanha Gènere: Dansa Número: LXXII

 

Ges ancara

I	1	Ges ancara
		na Cors-car
		no·m ampara;
		ni no·m par
	5	que·l ioi d'„ara!‘‘
		vueilla·m dar,
		tan pauc guara·
		l mieu esgar.
II		Car si gardava
		mos esgars ni pensava
		l'amor qu'ieu l'ai ni·l leial cor,
		trop seria brava,
		si non s'umeliava
		d'est mal, don est sieus amans mor;
	15	qu'ieu cuiava
		amatz amar,
		e semblava·
		s degues far,
		si·m n'auzava
	20	arazonar
		ni·m iutgava·
		l mieu cantar.
III		Razo semblaria,
		si az amor plazia,
	25	qu’ill m'amenes a portal
		que fos meils amia
		midons, e tanheria.
		e „ salut, mon bel Proensal‘‘
		no·n diria
	30	mon Cor-clar;
		ans sabria·
		l ioi selar,
		s'ieu l'avia,
	35	e tener car,
		e volria
		aissi finar.
IV		Aital fi vueill pendre,
		si vol midons entendre
		lo ric ioi que·ill quier en cantan.
	40	anc no·m deu mespendre
		nuils hom, s'ieu vueill atendre
		al sieu bel cor nou benestan,
		que·m fai atendre,
	45	e tremblar
		e contendre
		sols ses par
		e cor fendre
		et esglandar
		et atendre
	50	edezirar,
		na Belengueira, ses par.